प्रतिनिधी: एनवीडिया (Nvidia) ही जगातील सर्वाधिक बाजार भांडवल (Market Capitalisation) असणारी कंपनी ठरली आहे. थोडेथोडके नाही तर बाजार भांडवल तब्बल ४ ट्रिलियन डॉलर्सपर्यंत पोहोचले आहे. बातमीनंतर एनवीडिया (Nvidia) कंपनीचा समभाग (Share) २.८% युएस बाजारात उसळला होता. उसळत असलेल्या आयटी निर्देशांकाबरोबरच वाढत असलेल्या आर्टिफिशियल इंटेलिजन्सचा वाढणारा वापर पाहता कंपनीच्या उत्पादनांना अन्यनसाधारण महत्व निर्माण झाल्याने ही वाढ झाली आहे. काल अखेरीस कंपनीचा समभाग १.८० वर स्थिरावला ज्याने कंपनीने बाजार भांडवल ३.९७ ट्रिलियन डॉलर्सपर्यंत पोहोचले आहे.
गेल्या पाच वर्षांत कंपनीच्या बाजार भांडवलात १५००% वाढ झाली आहे. एनवीडीयानंतर मायक्रोसॉफ्ट कंपनीचा दुसरा क्रमांक लागतो. कंपनीच्या समभागात गेल्या दोन वर्षांत लक्षणीय वाढ झाली होती. आर्थिक वर्ष २०२१ पूर्वी ५०० बिलियन डॉलर्स होते जे २०२५ जुलैपर्यंत जवळपास ४ ट्रिलियन डॉलर्सपर्यंत पोहोचले. गेल्या एप्रिलमध्ये कंपनीच्या समभागात गुंतवणूकदारांना नुकसान झाले होते. मात्र त्यानंतर बाजारातील वृत्तानुसार कंपनीच्या समभागाने ७४% उसळी मारली आहे. कालच्या या वाढीनंतर युएस बाजारातील एस अँड पी ५०० बाजाराने उसळी घेतली. कंपनीचे भागभांडवल एस अँड पी ५०० बाजारच्या एकूण मूल्यांकनापैकी ७.३% आहे याच्यातूनच कंपनीचे मूल्य अधोरेखित होते.
किंबहुना अहवालानुसार, कॅनडा,व मेक्सिकन शेअर बाजाराच्या एकूण मूल्यांकनापेक्षाही एनवीडिया (Nvidia) बाजार भांडवल अधिक आहे. यानंतर क्रमांक दोन व तीनवर मायक्रोसॉफ्ट व अँपलचा नंबर लागतो. पहिल्या तिमाहीत कंपनीला एकूण ४४.१ अब्ज डॉलर्सचा महसूल मिळाला होता. २७ ऑगस्टपर्यंत कंपनीचा दुसऱ्या तिमाहीचा निकाल अपेक्षित आहे. आंतरराष्ट्रीय नाणेनिधी (IMF) नुसार, भारताचे सकल देशांतर्गत उत्पादन सध्या $४.२ ट्रिलियन इतके आहे,२०२५ च्या अखेरीस ते ४.२७ ट्रिलियन डॉलर्सपर्यंत पोहोचण्याची शक्यता आहे असे असताना भारताच्या अर्थव्यवस्थेइतके बाजार मूल्य एनवीडीयाचे झाले आहे. आकडेवारीनुसार, जागतिक ब्राउझर मार्केटमध्ये ६८% हिस्सा असलेल्या गुगल क्रोमला ट क्कर देण्याचे उद्दिष्ट असलेल्या AI-सक्षम वेब ब्राउझर कॉमेटचा परप्लेक्सिटी एआयने खुलासा केल्यानंतर एनव्हीडियाच्या बाजार भांडवल भांडवलात (मार्केटकॅप) मध्ये ही वाढ झाली आहे.
