कुणाल कामरा विरुद्ध विशेषाधिकार भंग प्रस्ताव मंजूर, नोटिस पाठवायची की नाही याबद्दल समिती घेणार निर्णय

समितीच्या तपासानंतर कुणाल कामरा यांना नोटीस पाठवायची की नाही हे ठरवले जाईल 

मुंबई: महाराष्ट्र विधान परिषदेचे अध्यक्ष राम शिंदे यांनी स्टँड-अप कॉमेडियन कुणाल कामरा यांच्याविरुद्ध "विशेषाधिकार भंग" प्रस्ताव मंजूर केला आहे आणि तो परिषदेच्या विशेषाधिकार समितीने चौकशीसाठी पाठवला आहे. भाजपचे आमदार प्रवीण दरेकर यांनी या वर्षी मार्चमध्ये विधान परिषदेत हा प्रस्ताव दाखल केला होता, ज्यामध्ये कामरा यांनी उपमुख्यमंत्री एकनाथ शिंदे यांच्यावर टीका केल्याचा आरोप केला होता. नंतर, महाराष्ट्र विधान परिषदेचे अध्यक्ष राम शिंदे यांनी हा प्रस्ताव मंजूर केला आणि तो विशेषाधिकार समितीकडे पाठवला. आता समिती कामरा यांना नोटीस पाठवायची की नाही यावर सुनावणी करेल आणि निर्णय घेईल.

यंदाच्या अर्थसंकल्पीय अधिवेशनात भाजपचे विधान परिषदेतील गटनेते आ. प्रवीण दरेकर यांनी विधान परिषदेत कुणाल कामरा यांच्या विरोधात हक्कभंग प्रस्ताव दाखल केला होता. कामरा यांनी उपमुख्यमंत्री एकनाथ शिंदे यांच्याविरोधात आक्षेपार्ह टिप्पणी केल्याचा आरोप या प्रस्तावात करण्यात आला होता. सभापती राम शिंदे यांनी या प्रस्तावाला सोमवारी मंजुरी दिली आणि तो हक्कभंग समितीकडे पाठवण्याचा निर्णय घेतला. आता विधान परिषदेची हक्कभंग समिती या प्रकरणाची सखोल चौकशी करेल. समितीच्या तपासानंतर कुणाल कामरा यांना नोटीस पाठवायची की नाही, याबाबत निर्णय घेतला जाईल

कॉमेडियन कुणाल कामराने आपल्या नया भारत या कॉमेडी शोमधून राज्याचे उपमुख्यमंत्री एकनाथ शिंदे (Eknath Shinde) यांच्यावर विडंबनात्मक एक गाणं तयार करत, त्याचा व्हिडिओ शूट केला होता. त्याचा हा व्हिडिओ तुफान व्हायरल झाल्यानंतर शिवसैनिक चांगलेच संतप्त झाले. तर, दुसरीकडे उबाठा गटाकडूनदेखील हा व्हिडिओ शेअर करण्यात आला होता. सुषमा अंधारेंनी देखील व्हिडिओ बनवला होता. त्यामुळे, या दोघांविरुद्ध हक्कभंग दाखल करण्याचा प्रस्ताव मांडण्यात आला होता, त्यास मंजुरी देण्यात आली आहे.