अरब टाईम्सच्या वृत्तानुसार, आपत्कालीन विभागाला परिस्थितीची माहिती मिळताच ते तात्काळ घटनास्थळी दाखल झाले. यावेळी विमानतळावरील अग्निशमन दल आणि सिव्हिल गार्डच्या सदस्यांसह प्रादेशिक आपत्कालीन समन्वय केंद्राने चार रुग्णवाहिका घटनास्थळी पाठवल्या होत्या.
काही प्रवाशांनी विमानाच्या पंखावरून मारल्या उड्या
घटनेदरम्यान, प्रवाशांना आपत्कालीन मार्गाने विमानातून बाहेर काढण्यात आले, तर काही प्रवाशांनी सुरक्षिततेसाठी विमानाच्या पंखावरून थेट जमिनीवर उडी मारली.
दरम्यान, या घटनेचा व्हिडिओ सोशल मीडियावर व्हायरल होत आहे, ज्यामध्ये काही प्रवासी घाबरून आपत्कालीन मार्गातून विमानातून बाहेर पडताना दिसत आहेत. याचबरोबर, काही प्रवासी आधी विमानाच्या पंखावर चढताना आणि नंतर जमिनीवर उडी मारताना दिसत आहेत.
18 people were injured after a fire alert onboard a Ryanair Boeing 737 aircraft bound for Manchester.
The alarm went off just after midnight on the runway of Palma Airport & passengers were forced to evacuate.#aviation pic.twitter.com/nT9pwzVzQg
— 𝙍𝙖𝙜𝙝𝙖𝙫𝙖𝙣 ( परिवर्तन ) (@RaghavanO7) July 5, 2025
सर्व जखमी प्रवाशांना तात्काळ वैद्यकीय सेवा
प्रादेशिक आपत्कालीन समन्वय केंद्राच्या प्रवक्त्याने दिलेल्या माहितीनुसार, या घटनेत अठरा प्रवासी जखमी झाले असून सर्वांना रुग्णालयात दाखल करण्यात आले आहे.
दरम्यान, या घटनेला रायनएअर या विमान कंपनीने दुजोरा दिला आहे. कंपनीने एका निवेदनात म्हटले आहे की, “४ जुलै रोजी पाल्माहून मँचेस्टरला जाणाऱ्या विमानाचे उड्डाण, आगीची खोटी सूचना देणारा दिवा चालू झाल्यामुळे थांबवावे लागले. यानंतर विविध उपाययोजना करून प्रवाशांना खाली उतरवून टर्मिनलवर आणण्यात आले.”
गेल्या आठवड्यात, अमेरिकन एअरलाइन्सच्या एका विमानात अशीच एक घटना घडली होती. त्या विमानाच्या एका इंजिनाला हवेत आग लागली होती. १५३ प्रवासी आणि सहा क्रू मेंबर्स असलेल्या या विमानाचे उड्डाणानंतर काही वेळातच लास वेगासमध्ये आपत्कालीन लँडिंग करावे लागले होते.
