मुंबई : येत्या रविवारी विविध अभियांत्रिकी आणि देखभालीची कामे करण्यासाठी मध्य रेल्वे मुख्य व हार्बर मार्गावर मेगाब्लॉक घेणार आहे. हा ब्लॉक माटुंगा- मुलुंड अप आणि डाऊन जलद मार्गांवर सकाळी ११.०५ ते दुपारी ३.४५ पर्यंत घेण्यात येईल.
छत्रपती शिवाजी महाराज टर्मिनस येथून सकाळी १०.३६ ते दुपारी ३.१० पर्यंत सुटणाऱ्या डाऊन जलद मार्गावरील सेवा माटुंगा स्थानकावर डाऊन धीम्या मार्गावर वळवल्या जातील. माटुंगा आणि मुलुंड स्थानकांदरम्यान त्यांच्या संबंधित थांब्यांनुसार थांबतील आणि १५ मिनिटे उशिराने पोहोचतील. ठाण्यापलीकडे जाणाऱ्या जलद गाड्या मुलुंड स्थानकावर डाऊन जलद मार्गावर पुन्हा वळवल्या जातील. ठाणे येथून सकाळी ११.०३ ते दुपारी ३.३८ पर्यंत सुटणाऱ्या अप जलद मार्गाच्या सेवा मुलुंड स्थानकावर अप धीम्या मार्गावर वळवल्या जातील, मुलुंड आणि माटुंगा स्थानकांदरम्यान त्यांच्या संबंधित थांब्यांनुसार थांबतील आणि माटुंगा स्थानकावर पुन्हा अप जलद मार्गावर वळवल्या जातील आणि नियोजित वेळेपेक्षा १५ मिनिटे उशिरा पोहोचतील. तर हार्बर मार्गावर हा ब्लॉक पनवेल ते वाशी अप आणि डाऊन हार्बर मार्गावरील सेवा ११.०५ ते संध्याकाळी ४.०५ पर्यंत घेण्यात येईल . पनवेल येथून सकाळी १०.३३ ते संध्याकाळी ४.४९ पर्यंत छत्रपती शिवाजी महाराज टर्मिनससाठी जाणाऱ्या आणि छत्रपती शिवाजी महाराज टर्मिनस येथून सकाळी ९.४५ ते संध्याकाळी ५.१२ पर्यंत पनवेल व बेलापूर येथे जाणाऱ्या डाऊन हार्बर मार्गावरील सेवा रद्द राहतील.
या ब्लॉक दरम्यान पनवेल येथून सकाळी ११.०२ ते दुपारी ३.५३ पर्यंत ठाणे येथे जाणारी अप ट्रान्स-हार्बर लाईन सेवा आणि ठाणे येथून सकाळी १०.०१ ते दुपारी ३.२० पर्यंत पनवेलकडे जाणारी डाऊन ट्रान्सहार्बर लाईन सेवा रद्द राहतील.
