Sudhir Mungantiwar : हिंदीला विरोध आणि इंग्रजीला आलिंगन! महाराष्ट्राच्या विधानसभेत ९ आमदारांना मराठी नकोशी

  95

विधानसभा अध्यक्षांकडे इंग्रजी कामकाजपत्रिकेची मागणी


मुंबई : महाराष्ट्राच्या विधानसभेत कामकाजाची पत्रिका इंग्रजी भाषेत मिळावी, यासाठी ९ आमदारांनी विनंती केली असल्याची माहिती अध्यक्ष राहुल नार्वेकर यांनी सभागृहात दिली. आज (गुरुवार, दि. ३ जुलै) विधानसभेत इंग्रजी भाषेत असलेली कामकाजपत्रिका पाहून भाजपचे आमदार सुधीर मुनगंटीवार यांनी ‘कामकाजपत्रिका इंग्रजीतून का?’, असा प्रश्न औचित्याच्या सूत्राच्या अंतर्गत उपस्थित केला. इंग्रजीशिवाय इतकीच अडचण येत असेल, तर त्या आमदारांना ब्रिटनच्या संसदेत पाठवा, असे उपरोधिक वक्तव्य सुधीर मुनगंटीवार यांनी या वेळी केले.



इंग्रजीतून कामकाजपत्रिका कशासाठी?


सुधीर मुनगंटीवार म्हणाले, ‘‘विधानसभ नियमातील प्रावधानानुसार सभागृहातील कामकाज मराठी, हिंदी किंवा इंग्रजी भाषेत चालवता येत असले, तरी अद्यापपर्यंत सभागृहात इंग्रजीतील कामकाजपत्रिका मी पाहिलेली नाही. एकिकडे मराठीला अभिजात भाषा करायची आणि ज्यांना मराठी बोलता येत नाही त्यांना हिंदीची संधी असतांना इंग्रजीतून कामकाजपत्रिका कशासाठी? मराठी समजायला अडचण असेल, तर कामकाजपत्रिका हिंदीतून काढावी. हिंदीला विरोध आणि इंग्रजीला आलिंगन, हे धोरण चुकीचे आहे.



इंग्रजीशिवाय अडचण असेल तर ब्रिटनच्या संसदेत पाठवावे


महाराष्ट्राच्या विधानसभेचे नियमावली करतांना त्या वेळी इंग्रजीचा प्रभाव असेल; परंतु याविषयी नियम समितीची बैठक घेऊन कामकाजातील इंग्रजी शब्द काढून टाकावेत. मराठी भाषा शिकलीच पाहिजे. एखाद्याला मराठी शिकायला खूपच अडचण असेल, त्यांनी हिंदी शिकावी; परंतु इंग्रजीशिवाय खूपच अडचण असेल, तर त्यांना ब्रिटनच्या संसदेत पाठवावे. एकीकडे भारतीय प्रशासकीय सेवेतील अधिकार्‍यांना राज्यात मराठी शिकायला लावले जाते; परंतु ज्यांना मराठी येत नाही त्यांच्याकरता हिंदीची संधी असतांना इंग्रजीतून कामकाजपत्रिका कशाकरिता?’’, असा सवाल मुनगंटीवार यांनी केला. सुधीर मुनगंटीवार यांच्या औचित्याच्या सूत्रावर अध्यक्ष राहुल नार्वेकर यांनी मराठी आणि इंग्रजी या भाषांमध्ये कामकाजपत्रिका काढतो, अशी माहिती सांगून इंग्रजीतून कामकाजपत्रिकेसाठी आमदारांनी विनंती केल्याचे म्हटलं

Comments
Add Comment

धक्कादायक! मुंबई IIT मध्ये शिकत असलेल्या विद्यार्थ्याची आत्महत्या, हॉस्टेलवरून उडी मारत संपवलं आयुष्य

मुंबई : मुंबईमधील पवईमधील IIT मुंबईमध्ये एका विद्यार्थ्याने आत्महत्या केल्याची धक्कादायक माहिती समोर आली आहे.

Mumbai Dadar Kabutar khana : कबुतरखाना हटवण्यासाठी मध्यरात्री पालिकेचं पथक दाखल… पण संतप्त जमावानं कारवाईला घातला आडवा! मध्यरात्री दादरमध्ये काय घडलं?

मुंबई : दादरमधील गाजलेला कबुतरखाना अखेर हटवण्याच्या तयारीला सुरुवात झाली, पण ही कारवाई नक्की कधी होणार, याचं

जुहू समुद्रात दोन अल्पवयीन मुले बुडाली

मुंबई : जुहूच्या समुद्रात पोहोण्यासाठी गेलेली दोन अल्पवयीन मुले बुडाली. ड्युटीवर असलेल्या जीवरक्षकांनी एकाला

जलप्रदूषण रोखण्यासाठी पालिकेचे एक पाऊल पुढे

मनपाकडून सहा प्रकारच्या रंगांचे वाटप मुंबई : पर्यावरणपूरक गणेशोत्सवाला अधिक बळकटी यावी यासाठी पालिकेकडून

चाकरमान्यांना कोकण रेल्वेत मिळणार उकडीचे मोदक !

मुंबई : गणेशोत्सव अवघ्या चार आठवड्यांवर आला असून यावर्षी २७ ऑगस्ट रोजी गणरायाची प्रतिष्ठापणा होणार आहे. कोकणात

Monsoon: ऑगस्टमध्ये पुन्हा पावसाचा जोर वाढण्याची शक्यता

मुंबई: यंदाच्या वर्षी मान्सूनने अपेक्षेपेक्षा आधीच देशात आणि राज्यात प्रवेश करत दमदार सुरुवात केली होती. जून