प्रतिनिधी: केंद्रीय अर्थमंत्री व कॉर्पोरेट व्यवहार मंत्री निर्मला सीतारामन ३० जून ते ५ जुलै दरम्यान स्पेन, पोर्तुगाल, ब्राझील या देशात अधिकृत दौरा करणार आहेत. सीतारामन भारताचे प्रतिनिधित्व करून आर्थिक बाबींवर सांगोपांग चर्चा करणार आहेत. वित्त मंत्रालयाने दिलेल्या माहितीनुसार, निर्मला सीतारामन या भारताचे प्रतिनिधित्व करून चौथ्या फायनासिंग डेव्हलपमेंट आंतरराष्ट्रीय कॉन्फरन्स (4th International Conference on Financing Development FFD4) या कार्यक्रमात सहभागी होणार आहेत.
'From FFD5 Outcome to Implementation: Unlocking the potential of Private Capital for susitanable Development ' या परिसंवादात आपले भाषण करणार आहेत. सिवेली स्पेन (Seville Spain) येथे या कार्यक्रमाचे आयोजन करण्यात आले आहे. शाश्वत विकास व खाजगी गुंतवणूक याविषयावर हा परिसंवाद होऊ शकतो. याशिवाय निर्मला सीतारामन या जर्मनी, पेरू, न्यूझीलंड येथील मंत्रीगणांना भेटणार असून त्या युरोपियन इनव्हेसमेंट बँकेच्या अध्य क्षांनाही भेटणार आहे असे वित्त मंत्रालयाने आपल्या जाहीरनाम्यात म्हटले आहे.
याखेरीज लंडन, पोर्तुगाल येथील आपल्या भेटीत व्यापारावर द्विपक्षीय चर्चा (Bilateral Discussion) होणार आहे असे संकेत मिळत आहेत.मुख्यतः परदेशी गुंतवणूकदार, व त्या देशातील अनिवासी भारतीय गुंतवणूकदार यांच्याशी त्या चर्चा करू शकतात.
एनडीबी (New Development Bank) येथे दहावी वार्षिक बैठक होणार आहे. यामध्ये ' Building Multilateral Development Bank for Global South' या विषयी सितारामन आपले भाषण करतील. एनडीबीचा कार्यक्रम रिओ डे जेनेरियो (Rio De Janeiro) येथे होणार आहे.भारताचा गर्व्हनर म्हणून सीतारामन उपस्थित राहणार आहेत. याशिवाय Bricks Finance Ministers व Central Bank Governors Meeting या कार्यक्रमांनाही सीतारामन हजेरी लावणार आहेत. ब्राझील, रशिया, चीन, इंडोनेशिया या देशातील प्रतिनिधींशी एनडीबी बैठकीत चर्चा करणार आहेत.
यापूर्वी नुकत्याच झालेल्या नवी दिल्लीतील बैठकीत पीएसयु (सरकारी) बँकेच्या प्रतिनिधींची बैठक घेऊन त्यांना बँकेच्या कामगिरीचा आढावा घेतला होता. ज्यामध्ये सायबर सिक्युरिटी, ग्राहक केंद्रीत सुविधा, कर्ज पुरवठा या विविध बाबींचा पाठपुरावा त्यांनी केला होता. मध्यंतरी पीएसयु बँकांना १.७८ लाख कोटींचा नफा झाला होता. एनपीए (Non Performing Asset) यामध्ये लक्षणीय घट झाली होती. इयर ऑन इयर बेसिसवर ही घट साधारणतः ०.५२% होती.
