कशेडी घाटातील जुन्या राष्ट्रीय महामार्गावर भेगा

संबंधित अधिकाऱ्यांसह तहसीलदारांकडून पाहणी


पोलादपूर : जुन्या मुंबई गोवा महामार्गावरील कशेडी घाटात जुन्या महामार्गावर भोगाव हद्दीत रस्त्यावर भेगा पडल्याची बातमी एप्रिल महिन्याअखेरिस वृत्तपत्रांमध्ये प्रसिद्ध झाल्यानंतर आता स्थानिक ग्रामस्थपर्ग रूंदावणाऱ्या भेगांमुळे खडबडून जागा झाला आहे.


पावसाळयात दरड कोसळून मोठी दुर्घटना घडण्यापूर्वी स्थानिक नागरिकांनी हा प्रकार गांभिर्याने विचारात घेत तहसीलदार कपिल घोरपडे यांच्या लक्षात आणून दिली. यामुळे शुक्रवारी तहसिलदारांनी संबंधित अधिकाऱ्यांसोबत चर्चा करून घटनास्थळी पाहणी केली व येत्या दोन दिवसात तत्काळ दुरुस्ती करण्याबाबत सूचना दिली.



पळचिल ग्रुप ग्रामपंचायतिचे माजी सरपंच उमेश मोरे, रवींद्र जाधव, प्रवीण मोरे, ग्रामस्थ आणि संबंधित विभागाचे अधिकारी उपस्थित होते. मुंबई गोवा महामार्गावरील कशेडी घाटात भुयारी मार्गे चौपदरीकरण काम करण्यात आले. यावेळी भोगाव गावाच्या हद्दीत डोंगरांचे उत्खनन करून डोंगर कापण्यात आला. नवीन महामार्ग भुयारामार्गे वळविण्यात आला. याठिकाणी जवळच भोगावच्या हद्दीत जुन्या मार्गावरील रस्त्याला ५ ते १० मीटर अंतरावर मोठया प्रमाणात भेगा पडल्याने प्रस्तुत प्रतिनिधीने बातम्यांद्वारे संभाव्य धोक्याकडे यंत्रणांचे व ग्रामस्थांचे लक्ष वेधले होते. या बातम्यांमध्ये पावसाळयात येथील रस्ता खचून नवीन महामार्गावर दरड कोसळण्याची शक्यता व्यक्त करण्यात आली होती.


सद्यस्थितीत कशेडी घाटातील वाहतूक भुयारीमार्गे होत असल्याने कातळी बंगला म्हणजेच कशेडी टॅपच्या जुन्या नाक्यापर्यंत नेणाऱ्या जुन्या महामार्गावर वाहतूक प्रमाणात सुरू आहे. यामुळे वाहतुकीला कोणताही अडथळा नसला तरी भविष्यात किंवा पावसाळयात भुयारामार्गे काही अनुचित प्रकार घडल्यास पुन्हा मूळ कशेडी घाटातील जुन्या महामार्गावरून पर्यायी मार्ग म्हणून वाहतूक वळवावी लागणार आहे.


यासाठी हा जुन्या महामार्गाची देखभाल दुरुस्ती अतिशय महत्त्वाची आहे. यामुळे राष्ट्रीय महामार्ग बांधकाम विभागाने वेळीच भेगा रूंदावण्यावर तात्काळ उपाययोजना करावी, अशी सूचना तहसिलदार कपिल घोरपडे यांनी संबंधित अभियंत्यांना केली आहे.


पोलादपूर तालुक्यातील भोगाव हद्दीतील २००५ च्या अतिवृष्टीत खचलेला रस्ता दरवर्षीप्रमाणे यंदाही सुमारे ९० ते १०५ फूट लांब आणि २ ते ५ फूट खोल खचला असून तेथे उभा करण्यात आलेला प्रोकलेनदेखील गरजेनुसार हलविण्यात येत असून यावर्षी कशेडी घाटाला पर्यायी भुयारी मार्ग सुरू झाल्याने या खचणाऱ्या डेंजरझोनकडे डागडुजी करण्यात अक्षम्य दिरंगाई करण्यात आल्याचे दिसून येत आहे.

Comments
Add Comment

पनवेल महापालिकेचा ९ वा वर्धापन दिन उत्साहात

पनवेल : पनवेल महापालिकेने ९ वर्षामध्ये देशपातळीवरती विविध सन्मान प्राप्त केले. महापालिकेची वास्तू जशी आयकॉनीक

मुंबई-काशिद रो-रो सेवा रखडली

वादळ, वारे, उसळणाऱ्या लाटांमुळे कामात अडथळा नांदगाव मुरुड : मुंबई-काशिद रो-रो सेवेचे गेल्या पाच वर्षांपासून संथ

नवी मुंबईच्या आंतरराष्ट्रीय विमानतळावरुन या दिवशी होणार पहिले उड्डाण ?

पनेवल : पंतप्रधान नरेंद्र मोदी ३० सप्टेंबर २०२५ रोजी नवी मुंबई आंतरराष्ट्रीय विमानतळाचे उद्घाटन करतील. यानंतर

पाली नगराध्यक्षपदी भाजपचे पराग मेहता

विजयाने पदाधिकारी, कार्यकर्त्यांचा जल्लोष गौसखान पठाण सुधागड-पाली : अष्टविनायक तीर्थक्षेत्र असलेल्या पाली

रस्त्यावर खड्डेच खड्डे, मग पोलिसांनी असं काही केलं की...

रायगड : सणासुदीच्या पार्श्वभूमीवर पनवेलजवळील पळस्पे फाटा परिसरात होणाऱ्या वाहतूक कोंडीवर प्रभावी उपाय करत

कोकणवासीयांच्या परतीच्या प्रवासासाठी एसटी फेऱ्या बंद

खेडोपाड्यातील प्रवाशांचे प्रचंड हाल महाड : गणेशोत्सव संपताच कोकणवासीयांचा परतीचा प्रवास सुरू झाला असून,