सध्या शेफालीच्या मृत्यूच्या कारणाचा तपास सध्या वेगाने सुरु आहे. शेफाली तिच्या मृत्यूपूर्वी पाच ते सहा वर्ष वृद्धत्वविरोधी उपचार घेत होती. अहवालात म्हटले आहे की या प्रक्रियेत वापरल्या जाणाऱ्या औषधांमध्ये व्हिटॅमिन सी आणि ग्लूटाथिओनचा समावेश होता.परंतु एका डॉक्टरनी सांगितले की , "ग्लुटाथिओन हे त्वचा उजळवण्यासाठी आणि विषमुक्त करण्यासाठी वापरले जाणारे औषध आहे. या औषधाचा हृदयावर थेट परिणाम होत नाही आणि हे पूर्णपणे कॉस्मेटिक उपचार आहेत."
शेफालीचा मृतदेह शवविच्छेदनासाठी कूपर रुग्णालयात पाठवण्यात आला. शेफालीने ३ दिवसांपूर्वी एक फोटोशूट केले होते. नंतर ती घरीच होती. यामुळे शेफालीला नेमके काय झाले याचा तपास सुरू आहे. फॉरेन्सिक टीम शेफालीच्या घरातून नमुन्यांचे (सँपल्स) संकलन केले आहे. पोलिसांनी शेफाली ज्या इमारतीत राहत होती तिथले सुरक्षा रक्षक (वॉचमन), शेफालीचे शेजारी, शेफालीचा पती आणि शेफालीला रुग्णालयात नेत असताना तिच्यासोबत असलेल्या सर्वांची कसून चौकशी सुरू केली आहे. शेफालीच्या घरात काम करणाऱ्या नोकरांची आंबोली पोलीस ठाण्यात चौकशी सुरू आहे.
