शेफालीचा पती करतो काय ?

Shefali Jariwala: शेफाली जरीवालाच्या मृत्यूने सर्वांनाच धक्का बसला आहे. सिनेविश्वात सध्या शोककळा पसरली आहे.वयाच्या अवघ्या ४२ व्या  वर्षी शेफाईचा हृदयविकाराच्या झटक्याने मृत्यू झाला. सलमान खानच्या बिग बॉस  सीजन १३ मध्ये शेफाली होती. कांटा लगा या गाण्यामुळे शेफाली नावारूपास आली.ती सध्या अंधेरी स्थित लोखंडवाला मध्ये राहत होती.तिच्या स्वगृहीच ती मरण पावली. शेफालीने शुक्रवारी (२७ जून २०२५) रात्री ११ वाजता छातीत दुखत असल्याची तक्रार केली. त्यानंतर तिचा पती तिला रुग्णालयात घेऊन गेला.त्याचे व्हिडिओ सध्या सोशल मीडियावर वायरल होत आहेत. तिचा पती तिला इस्पितळात नेताना दिसल्यापासून शेफालीचा नवरा नक्की कोण आहे हे जाणून घेण्याची उत्सुकता सर्वांना लागली आहे. जाणून घेऊया कोण आहे शेफालीचा नवरा पराग त्यागी.

शेफाली जरीवालाचा पती पराग त्यागी टीव्हीवर काम करणारा अभिनेता आहे. शेफाली आणि त्याच लग्न ऑगस्ट २०१४ मध्ये झाल होत. ४९ वर्षीय पराग त्यागीचा जन्म उत्तर प्रदेशातील गाझियाबाद येथे झाला,त्याने अनेक टीव्ही शो आणि चित्रपटांमध्ये काम करून नाव कमावल आहे. शेफालीला हृदयविकाराचा झटका आल्यानंतर परागनेच तिला इस्पितळात नेलं यावेळी त्यांचा कुत्रा सिम्बादेखील त्याच्यासोबत खाली फिरताना दिसला.

पराग त्यागीशी शेफालीची भेट एका मित्राच्या डिनर पार्टीत झाली. जिथे दोघेही प्रेमात पडले.त्यावेळी शेफालीने संगीतकार हरमीत सिंगला घटस्फोट दिला होता. शेफालीने पराग त्यागीला चार वर्षे डेट केले. २०१४ मध्ये या जोडप्याने लग्न करण्याचा निर्णय घेतला.पराग आणि शेफाली हे डान्स रिअलिटी शो नच बलिये सीझन ५ आणि ७ मध्येही दिसले होते.

पराग त्यागी आणि शेफाली कठीण काळात एकमेकांच्या पाठीशी उभे राहिले. मे २०२० मध्ये अभिनेत्याच्या वडिलांचे निधन झाले तेव्हा कोरोना काळातदेखील दोघांनी अंत्यसंस्काराला हजेरी लावली.शेफालीने 'कांटा लगा'नंतर तिची मर्यादित केली तेव्हा परागने तिच्या मानसिक आरोग्याच्या संघर्षांनाही पाठिंबा दिला.