प्रतिनिधी: भारताची परकीय गुप्तचर संस्था म्हणून जगभरातही ख्याती असलेल्या रिसर्च अँड ॲनालिसिस विंग (Research and Analysis Wing (RAW) या संस्थेची नवी धुरा आयपीएस अधिकारी पराग जैन यांच्याकडे सोपवली गेली आहे. १९८९ बँचचे अधिकारी पराग जैन हे ३० जून २०२५ पासून नवा पदभार स्विकारणार आहेत.
रवी सिन्हा यांच्याबदली आता जैन यांची नियुक्ती करण्यात आली आहे. रवी सिन्हा यांचा कार्यकाळ ३० जूनला संपत आहे. त्यामुळे पुढील दोन वर्षांसाठी जैन यांची नियुक्ती सरकारने केली आहे. पराग जैन यांनी ऑपरेशन सिंदूर मध्ये बौद्धिक क्षमतेचा आधारे गुप्त माहिती गोळा केली होती. त्यांच्या या कामगिरीनंतर आता रॉ ची जबाबदारी त्यांच्या खांद्यावर आली आहे. त्यांनी देशाच्या विविध पातळीवरील सुरक्षा यंत्रणेत काम केले आहे. त्यांचा प्रदिर्घ अनुभव पाहता त्यांची या पदावर वर्णी लागली आहे.
सध्या पराग जैन हे एव्हिएशन रिसर्च सेंटरचे मुख्य आहेत. मोदी सरकारने त्यांची वर्णी लावली असल्याने सध्याच्या क्लिष्ट जागतिक वातावरणाचे आव्हान त्यांच्यासमोर उभे आहे. प्रसारमाध्यमांनी दिलेल्या माहितीनुसार, जैन यांनी कॅनडा मधील खलिस्तानी कारवायांवर नियंत्रण मिळविण्यासाठी प्रयत्न केले होते. तसेच जम्मू काश्मीर येथे कलम ३७० हटवण्यात आल्यानंतर परिस्थिती नियंत्रणात आणण्यास प्रयत्न केले होते.
