काही वेळापूर्वी रश्मीकाने तिच्या नव्या चित्रपटाचा पोस्टर शेअर केला त्यावर तिच्या चाहत्यांनी शुभेच्छांचा वर्षाव केला. रश्मिकाच्या या नव्या सिनेमाच नाव 'मयसा' असून या पोस्टरमधून तिचा या चित्रपटातील लूक पहिल्यांदा प्रेक्षकांसमोर आला आहे. रक्तबंबाळ चेहरा, कपाळावर चंद्रकोर, नाकात नथ, डोळ्यात अंगार आणि हातात शस्त्र असा काहीसा रश्मिकाचा लूक आहे. तिच्या चेहऱ्यावर प्रचंड राग दिसत असून तिचे हात आणि चेहरा संपूर्ण रक्ताने माखलेला आहे. एखाद्या रणरागिणीसारखे तिचे केस मोकळे असून तिच्या अंगावर चांदीचे दागिने आहेत.
View this post on Instagram
हे पोस्टर शेअर करताना रश्मिका कॅप्शन मध्ये म्हणते की,'मी नेहमीच तुम्हाला काहीतरी नवीन देण्याचा प्रयत्न करते.काहीतरी वेगळ.काहीतरी रोमांचक आणि ही भूमिका त्यापैकीच एक आहे. हे मी कधीही साकारलेले एक पात्र आहे. मी असं पात्र याआधी कधीही साकारलं नव्हत. माझ्यातलं हे रूप ज्याला मी आतापर्यंत भेटले नव्हते ..हे भयंकर आहे..हे तीव्र आहे ..मी खूप घाबरली आहे आणि खूप उत्साहित पण आहे. आपण जी निर्मिती केली आहे ती पाहण्यासाठी मला अजून धीर धरवत नाही.ही सुरुवात आहे.
रश्मिकाने व्हायच्या अवघ्या २९ वर्षात सिनेमाविश्वात आपलं दमदार करिअर बनवलं. टॉलिवूडमधून सिनेमात रश्मिकाने पदार्पण केल आणि नंतर बॉलिवूडमधील अनेक चित्रपटांतून तिने तिची वेगळी छाप पाडली.रश्मिकाचा कुबेर हा सिनेमा सध्या सिनेमगृहात सुपरहिट ठरत आहे. पाच दिवसात तब्बल १०० कोटींची कमाई ह्या चित्रपटाने केली आहे. रश्मिकाचा कुबेर हा सिनेमा सध्या सिनेमगृहात सुपरहिट ठरत आहे. पाच दिवसात तब्बल १०० कोटींची कमाई ह्या चित्रपटाने केली आहे. अद्याप या चित्रपटाची रिलीज डेट समोर आलेली नाही मात्र रश्मिकाच्या चाहत्यांमद्धे तिच्या या नव्या चित्रपटासाठी प्रचंड उसतुकता दिसत आहे.
