एनएसई एसएमई (NSE SME) या प्रवर्गात ही कंपनी सूचीबद्ध झाली होती. रिपोर्टनुसार या कंपनीचा आयपीओ एकूण २३२.७३ पटीने सबस्क्राईब झाला होता. ज्यामध्ये १०२.६३ वेळा किरकोळ गुंतवणूकदारांनी (Retail Investors), पात्र संस्थात्मक गुंतवणूकदार (QIB) यांनी ९८.१४ वेळा,विना संस्थात्मक गुंतवणूकदार (NII) यांनी ७१५.७५ वेळा आयपीओ वाटा सबस्क्राईब केला होता. आज आयपीओ सूचीबद्ध होताना बिडिंग मागणीत वाढ झाल्याने ही तेजी पहायला मिळत आहे.२७.२८ कोटींचा हा आयपीओ २४ ते २६ जून कालावधीत बाजारात दाखल झाला होता. २.२५ कोटींचे इक्विटी समभाग ऑफर फॉर सेल (OFS) या प्रवर्गास विक्रीसाठी उपलब्ध होते. किरकोळ गुंतवणूकदारांना कमीत कमी १.४१ लाख समभागांची (Share) गुंतवणूक अनिवार्य होती. १९ जूनला कंपनीने आयपीओतून ७.७६ कोटींची गुंतवणूक अँकर गुंतवणूकदारांकडून प्राप्त केली होती. Narolina Financial Services Private limited कंपनी आयपीओसाठी (IPO) बुक लिडिंग मॅनेजर (Book Leading Manager) होती. तर Maashitla Securities Private Limited कंपनी आयपीओसाठी रजिस्ट्रार (Registrar) म्हणून काम पाहणार होती.
२००८ साली स्थापन झालेली ही कंपनी रस्ते व पायाभूत सुविधा (Infrastructure) क्षेत्रात कार्यरत आहे. आयपीओसाठी कंपनीने ४७ रूपये प्रति समभाग प्राईज बँड (Price Band) निश्चित केला होता.
