कंपनीच्या बैठकीत यावर चर्चा अपेक्षित असल्याने गुंतवणूकदारांचे लक्ष या शेअर्सच्या हालचालीवर केंद्रित असू शकते. कंपनीने १९ जूनला आपल्या संचालक मंडळाच्या बैठकीची घोषणा केली होती. त्यातील माहितीनुसार, कंपनी २६ जून २०२५ रोजी संचालक मंडळाची (Board of Directors) ची बैठक आयोजित केली गेली आहे. बोनस शेअर्सवर विचारविनिमय या बैठकीदरम्यान होईल त्यासाठी आवश्यक असलेल्या मुद्यांवर चर्चा होईल.'असे कंपनीने आपल्या निवेदनात म्हटले आहे.असे झाल्यास नेस्ले इंडिया आपल्या इतिहासात प्रथमच बोनस शेअर जाहीर करू शकतो. याशिवाय नेस्ले कंपनीने १० रूपयांचा लाभांश (Dividend) सुचवला आहे. दर्शनी १ रूपये मूल्य असलेल्या इक्विटी शेअर्सवर हा लाभांश मिळू शकतो.बैठकीत बोनस शेअर्सचा विचार करण्याच्या घोषणेनंतर नेस्ले इंडियाच्या शेअर्स वाढतच आहेत. प्रसारमाध्यमांनी दिलेल्या वृत्तानुसार, १९ जून रोजी बंद झालेल्या पातळीपासून ती जवळजवळ ५% ने वाढली आहे.
नेस्ले इंडियाने आर्थिक वर्ष २५ च्या मार्च तिमाहीत ८८५ कोटी रुपयांचा निव्वळ नफा (Net Profit)नोंदवला, जो गेल्या वर्षीच्या याच कालावधीतील ९३४ कोटी रुपयांपेक्षा ५% कमी आहे. गेल्या 6 महिन्यांत कंपनीच्या समभागात १२.९७%, गेल्या ३ महिन्यांत ८.३० % वाढ झाली आहे. त्यापूर्वी कंपनीने केलेल्या कामगिरीनंतर नेस्लेचे शेअर्स पुन्हा कमबॅक करत आहेत.
