मेट्रो विस्तार आणि स्मार्ट वाहतूक यंत्रणेला गती देण्यासाठी १९ महत्त्वाच्या कंत्राटांना मंजुरी
मुंबई : मुंबईच्या वाहतूक व्यवस्थेला आधुनिक रूप देण्यासाठी मुंबई महानगर प्रदेश विकास प्राधिकरणाने (एमएमआरडीए) आज १२,००० कोटींहून अधिक रकमेच्या महत्त्वाच्या पायाभूत सुविधा प्रकल्पांना मंजुरी दिली आहे. यामुळे मेट्रो विस्ताराला आणि स्मार्ट वाहतूक यंत्रणेला मोठी गती मिळणार आहे.
मुख्यमंत्री देवेंद्र फडणवीस आणि उपमुख्यमंत्री तथा एमएमआरडीएचे अध्यक्ष एकनाथ शिंदे यांच्या नेतृत्वाखाली, तसेच एमएमआरडीए आयुक्त डॉ. संजय मुखर्जी यांच्या सक्रिय पुढाकाराने हा ऐतिहासिक निर्णय घेण्यात आला.
बीजिंग: चीनमध्ये एक मायक्रो ड्रोन विकसित करण्यात आला आहे, जो आकाराने डासाच्या आकाराचा आहे. यामुळे हा ड्रोन पकडणे खूप कठीण असेल असा दावा केला जात आहे. ...
मुख्य सचिव श्रीमती सुजाता सौनिक यांच्या अध्यक्षतेखाली झालेल्या २८४ व्या कार्यकारी समितीच्या बैठकीत ही कंत्राटे मंजूर करण्यात आली. यात मेट्रो मार्ग आणि अटल सेतूसह विविध महत्त्वाच्या कामांमधील कंत्राटदारांच्या नेमणुकीचा समावेश आहे. मंजूर झालेल्या कंत्राटांमध्ये रेल्वे प्रणाली, रोलिंग स्टॉक, नागरी कामे, ट्रॅक्शन पॉवर, एएफसी प्रणाली (स्वयंचलित भाडे संकलन), डेपो पायाभूत सुविधा आणि मल्टी-मोडल इंटिग्रेशन (एमएमआय) यांसारख्या विविध कामांचा समावेश आहे.
प्रमुख प्रकल्प आणि मंजूर कंत्राटांची यादी
- मेट्रो लाईन ४ आणि ४ए (₹४,७८८ कोटी): लार्सन अँड टुब्रो लिमिटेडला एकात्मिक प्रणाली (रोलिंग स्टॉक, सिग्नलिंग, दूरसंचार, प्लॅटफॉर्म स्क्रीन डोअर्स, डेपो उपकरणे) पुरवठा आणि ५ वर्षांच्या देखभालीचे कंत्राट.
- मेट्रो लाईन ४ए (₹५५७.५५ कोटी सुधारित): गव्हाणपाडा आणि गायमुख स्थानकांसाठी सिव्हिल कामांमध्ये सुधारित डिझाईन आणि ठिकाण-आधारित बदलांसह कंत्राट मूल्य मंजूर.
- मेट्रो लाईन ४ (₹१८८.५९ कोटी): एल अँड टी ला भक्ती पार्क ते मुलुंड अग्निशमन केंद्र दरम्यान बॉलस्टलेस ट्रॅक आणि पॉकेट ट्रॅकसह कामाचे कंत्राट, हे मूळ अंदाजापेक्षा १५.७२% कमी दरात मंजूर झाले.
- मेट्रो लाईन ६ (₹६६८.१५ कोटी): आयआरकॉन इंटरनॅशनल लिमिटेडला स्वामी समर्थ नगर ते ईस्टर्न एक्सप्रेस हायवे (EEH) मार्गासाठी वीज पुरवठा, ट्रॅक्शन, E&M प्रणाली, लिफ्ट आणि एस्केलेटरची रचना, स्थापना आणि ५ वर्षांच्या देखभालीसाठी कंत्राट.
- एमटीएचएल पॅकेज ४ (₹५५१.४१ कोटी सुधारित): इंटेलिजेंट ट्रान्सपोर्ट सिस्टीम (ITS), टोल व्यवस्थापन, प्रगत वाहतूक नियंत्रण प्रणाली (ATMS), पथदिवे, प्रशासकीय इमारती आणि केंद्रीय नियंत्रण केंद्रासाठी सुधारित कंत्राट.
- मेट्रो लाईन ६ (₹२,२६९.६६ कोटी): एनसीसी लिमिटेडला रोलिंग स्टॉक, सिग्नलिंग, टेलिकॉम प्रणाली, प्लॅटफॉर्म स्क्रीन डोअर्स आणि डेपो यंत्रणा पुरवठा, स्थापना व ५ वर्षांच्या देखभालीसाठी कंत्राट.
- मेट्रो लाईन ६ (₹१०४.६६ कोटी सुधारित): सामान्य सल्लागार (General Consultant) साठी ६८० दिवसांची मुदतवाढ व ३९.६१% खर्चवाढ मंजूर.
- मेट्रो लाईन ४ व ४ए साठी मल्टी-मोडल इंटिग्रेशन (एमएमआय) (₹५३५.०८ कोटी): ३२ स्थानकांवरील एमएमआय कामे चार पॅकेजमध्ये मंजूर.
- मेट्रो लाईन २ए (₹४३२.६३ कोटी सुधारित): दिल्ली मेट्रो रेल कॉर्पोरेशनला (DMRC) 'ठेवीचे काम' (Deposit Work) अटींनुसार वाढीव कालावधीसाठी अंमलबजावणीसाठी अतिरिक्त सल्लागार शुल्क मंजूर.
- मेट्रो लाईन ९ व ७ए (₹११८.२८ कोटी): लीना पॉवरटेक-उमेश ब्रदर्स संयुक्त उपक्रमाला उत्तर-दक्षिण मेट्रो मार्गासाठी ओएचई (ओव्हरहेड इक्विपमेंट), केबल, विद्युत वितरण व एससीएडीए प्रणाली स्थापनेसाठी कंत्राट.
- मेट्रो लाईन ४ व ४ए (₹२४९.९७ कोटी): ऑरियनप्रो सोल्यूशन्स लिमिटेडला वडाळा ते गायमुख मार्गासाठी आणि ५ वर्षांच्या सर्वसमावेशक देखभालीसहित एएफसी प्रणालीसाठी कंत्राट.
- अनेक लाईन्ससाठी रेल पुरवठा (USD ७.५९ दशलक्ष + ₹१४.२९ कोटी): मित्सुई अँड कंपनी, निप्पॉन स्टील, मित्सुई इंडिया यांच्या संयुक्त उपक्रमाद्वारे १०८० ग्रेडचे ६,९०० मेट्रिक टन हेड हार्डन केलेले रेल पुरवले जाणार.
- मेट्रो लाईन २बी (₹९९.९९ कोटी): पॅरास रेलटेक प्रायव्हेट लिमिटेडला अंधेरी वेस्ट ते आयटीओ स्टेशन दरम्यान बॉलस्टलेस ट्रॅकच्या कामासाठी कंत्राट (मूळ खर्चाच्या १७.८२% खाली).
- पायाभूत सुविधा डिजिटल निरीक्षण प्रणाली (IDDP) (₹११४.९८ कोटी): सेन्सिस टेक्नॉलॉजीज प्रायव्हेट लिमिटेडची ही प्रणाली एकत्रीकरणासाठी निवड करण्यात आली, जी पायाभूत कामांचे रिअल टाइम निरीक्षण सुनिश्चित करेल.
- मेट्रो लाईन ५ (कशेळी डेपोसहित) (₹४९७.४६ कोटी): आयआरकॉन इंटरनॅशनल लिमिटेडला २२०केव्ही आरएसएस, ओएचई, एससीएडीए, ई अँड एम कामांसह डेपो सुविधांसाठी ५ वर्षांच्या देखभालीसहित कंत्राट.
- मेट्रो लाईन २बी व ७ (₹७९.३७ कोटी): दिल्ली मेट्रो रेल कॉर्पोरेशनला (DMRC) रोलिंग स्टॉक व सिग्नलिंग व्यवस्थापन कामासाठी ऑगस्ट २०२६ पर्यंत मुदतवाढ मंजूर.
- मेट्रो लाईन ९ व ७ए (₹७० कोटी): एल अँड टी टेक्नॉलॉजी सर्व्हिसेस – अ‍ॅम्नेक्स संयुक्त उपक्रमाला एएफसी प्रणाली कंत्राट मंजूर, दोन वर्षांच्या दोष अधिसूचना कालावधीसह.
- मेट्रो लाईन ४ व ४ए (पॅकेज १) (₹७७.३८ कोटी): केबीए इन्फ्रास्ट्रक्चर – श्री मंगलम बिल्डकॉन संयुक्त उपक्रमाला कॅडबरी व माजिवडा स्थानकांवर फूट ओव्हरब्रिज बांधकामासाठी कंत्राट मंजूर.
- मेट्रो लाईन ४ व ४ए (पॅकेज २) (₹१२९.०४ कोटी): जे कुमार – पीआरएस संयुक्त उपक्रमाला पंतनगर, विक्रोळी, भांडुप व विजय गार्डन मेट्रो स्थानकांवरील फूट ओव्हरब्रिजसाठी कंत्राट मंजूर.
“महाराष्ट्र शासन केवळ आजच्या गरजा पूर्ण करणाऱ्या नव्हे तर भविष्यातील मागण्यांची पूर्वकल्पना घेतलेली पायाभूत सुविधा निर्माण करण्यास कटिबद्ध आहे. एमएमआरडीएकडून मंजूर झालेली ही १२,००० कोटींपेक्षा अधिक किमतीची गुंतवणूक मुंबईच्या एकात्मिक आणि समावेशक वाहतूक व्यवस्थेच्या दिशेने मोठे पाऊल आहे. या प्रकल्पामुळे आर्थिक गती, शहरी गतिशीलता आणि नागरिकांचे जीवनमान सुधारेल.” - मुख्यमंत्री देवेंद्र फडणवीस
“एमएमआरडीएकडून झालेली ही ऐतिहासिक मंजूरी महाराष्ट्र सरकारच्या जागतिक दर्जाच्या वाहतूक पायाभूत सुविधेच्या बांधणीसाठीच्या कटिबद्धतेचा पुरावा आहे. १२,००० कोटींपेक्षा अधिक गुंतवणुकीद्वारे आम्ही एक समतोल, शाश्वत आणि आधुनिक मेट्रो नेटवर्क घडवत आहोत.” - उपमुख्यमंत्री व एमएमआरडीए अध्यक्ष एकनाथ शिंदे
“आज मंजूर झालेले प्रत्येक प्रकल्प हे मुंबईच्या वाहतूक व्यवस्थेच्या एकात्मिक विकासात मोलाचा वाटा उचलेल याची खात्री करून घेतली आहे. सिस्टम्स इंटिग्रेशन, रोलिंग स्टॉक, ट्रॅक्शन पॉवर, AFC व मल्टी-मोडल इंटिग्रेशन या सर्व घटकांना जोडणारी ही कंत्राटे आम्ही ऑपरेशनल रेडिनेस लक्षात घेऊन मंजूर केली आहेत. शेवटच्या टप्प्याच्या जोडणीवर आमचा भर असून, प्रवाशांसाठी सहज, गतीशील आणि एकात्मिक वाहतूक संरचना निर्माण करणे हे आमचे ध्येय आहे.” - डॉ. संजय मुखर्जी, आयएएस, आयुक्त, एमएमआरडीए
