याशिवाय अदानी समुहाने जानेवारी २०२३ मध्ये, अदानी पोर्ट्स अँड स्पेशल इकॉनॉमिक झोन लिमिटेड (APSEZ) ने इस्रायलच्या गॅडोट ग्रुपसोबत हैफा पोर्ट कंपनीमधील ७०% हिस्सा (Stake) खरेदी केला होता. देशातील बंदर पायाभूत सुविधांचे खाजगीकरण (Infrastructure Privatisation) करण्याच्या मोठ्या प्रयत्नांचा एक भाग म्हणून जुलै २०२२ मध्ये अदानी समुहाने इस्रायली सरकारची निविदा (Tender) जिंकली होती.
याखेरीज आज दिवसभरात अदानी समुहाचे शेअर्स मोठ्या संख्येने वाढताना दिसत आहेत. विशेषतः अदानी एंटरप्राईजेस, अदानी ग्रीन एनर्जी, अदानी पोर्टस या समभागात मोठी वाढ झाल्याचे दिसून आले आहे. सकाळच्या सत्रात तर अदानी पोर्टस समभागात ५% वाढ झाल्याने शेअरची किंमत १४१८.४५ रूपयावर पोहोचली होती. अदानी समुहाच्या इतर कंपन्यांच्या समभागातही १% हून अधिक वाढ झाली होती.
इराण व इस्त्राईल युद्धामुळे अदानी समुहाला विशेषतः अदानी पोर्टस ला नुकसान झाले होते. मात्र अदानी समुहाने निवेदनात म्हटले होते की, आमच्या प्रकल्पाला कुठलेही नुकसान पोहोचले नाही.
याशिवाय नुकत्याच झालेल्या आर्थिक वर्ष २०२५ च्या वार्षिक सर्वसाधारण सभेत (AGM) मध्ये समूहाचे अध्यक्ष गौतम अदानी यांच्या वक्तव्यानंतर अदानी समूहाच्या शेअर्समध्ये आशावाद निर्माण झाला, त्याप्रसंगी अदानी यांना म्हटले होते की,समूह पुढील पाच वर्षांत विविध व्यवसायांमध्ये दरवर्षी १५ अब्ज ते २० अब्ज डॉलर्सची गुंतवणूक करण्याची योजना आखत आहे. त्यांनी स्वच्छ ऊर्जा आणि वायू क्षेत्रातील कामगिरीवरही प्रकाश टाकला, अदानी टोटल गॅस आता १० लाख पीएनजी ग्राहकांना सेवा देते आणि २२ राज्यांमध्ये ३,४०० ईव्ही चार्जिंग स्टेशन चालवते हे नमूद केले. बैठकीदरम्यान, त्यांनी स्वच्छ ऊर्जा आणि वायू क्षेत्रातील कामगिरीवरत प्रकाश टाकत म्हटले आहे की,'अदानी टोटल गॅस आता १० लाख पीएनजी ग्राहकांना सेवा देते आणि २२ राज्यांमध्ये ३,४०० ईव्ही चार्जिंग स्टेशन चालवते.'
