तेहरान: इराणने कतार स्थित अमेरिकेच्या तळांवर ६ मिसाईल्स डागली हेत. इस्त्रायलच्या अधिकाऱ्यांनी याबाबतचा हवाला दिला आहे. हा हल्ला म्हणजे अमेरिकेला इराणने दिलेले प्रत्युत्तर असल्याचे मानले जात आहे. इराण आणि अमेरिका यांच्यात सातत्याने तणाव वाढत आहे. खासकरून अमेरिकेने इराणच्या अणुकेंद्रावर हल्ला केल्यानंतर हा तणाव अधिक वाढला आहे.
अमेरिकेच्या लष्कर तळांवर ६ मिसाईल्सने केला हल्ला
इराण-इस्त्रायल यांच्यातील तणाव वेगाने वाढत आहे. एकीकडे इस्त्रायल आणि इराण यांच्यातील भीषण युद्ध सुरूच आहे तर दुसरीकडे आता इराण आणि अमेरिकाही आमनेसामने आहेत. इस्त्रायलच्या अधिकाऱ्यांनी दिलेल्या माहितीनुसार इराणने कतारमध्ये असलेल्या अमेरिकेच्या लष्करी तळांवर ६ मिसाईल्सने हल्ला केला. याआधी रविवारी सकाळी अमेरिकेने इराणच्या तीन अणुकेंद्रांना लक्ष्य केले होते.
Ministry of Interior, Government of Bahrain tweets, "The siren has been sounded. Citizens and residents are urged to remain calm and head to the nearest safe place" pic.twitter.com/Sc3MCTwQv2
— ANI (@ANI) June 23, 2025
अनेक रिपोर्ट्समध्ये दिला होता इशारा
काही रिपोर्टमध्ये दावा करण्यात आला होता की इराणने अमेरिकेच्या ठिकाणांवर संभाव्य हल्ल्यासाठी अनेक मिसाईल लाँचर तैनात केले आहेत. तर सोमवारी दुपारपासूनच कतारमध्ये अमेरिकेच्या सर्वात मोठे सैन्य तळ अल उदीद एअरबेसवर हल्ल्याचा धोका होता.
