IND vs ENG: ऋषभ पंतने शतक ठोकून रचला 'महाविक्रम', धोनी-साहाला टाकले मागे

  52

लीड्स: भारत आणि इंग्लंड यांच्यात खेळल्या जाणाऱ्या पहिल्या कसोटी सामन्यात ऋषभ पंत (Rishabh Pant)ने आणखी एक शानदार शतक ठोकून इतिहास रचला आहे. पंत आता भारतासाठी कसोटी क्रिकेटमध्ये सर्वाधिक शतके करणारा नियुक्त यष्टीरक्षक बनला आहे. विशेष म्हणजे हे त्याच्या कारकिर्दीतील सातवे कसोटी शतक आहे, याद्वारे त्याने माजी कर्णधार महेंद्रसिंग धोनी (६ शतके) आणि वृद्धिमान साहा (३ शतके) यांना मागे टाकले आहे.

लीड्समधील हेडिंग्ले मैदानावर खेळल्या जाणाऱ्या या कसोटीत पंतने कर्णधार शुभमन गिलसोबत मोठी भागीदारी केली आणि संघाला मजबूत स्थितीत आणले. पंतची खेळी केवळ तांत्रिकदृष्ट्या मजबूत नव्हती, तर इंग्लिश गोलंदाजांविरुद्ध त्याच्या आत्मविश्वासाने आणि आक्रमक शैलीने पुन्हा एकदा सिद्ध केले की तो भारतीय कसोटी संघाचा आधारस्तंभ आहे.

पंतची जबरदस्त कामगिरी


पंतने त्याच्या वादळी खेळीद्वारे आणखी अनेक विक्रम रचले आहेत. शतक पूर्ण करताना पंतने १० चौकार आणि चार षटकार मारले. इंग्लंडमधील पंतचे हे तिसरे कसोटी शतक होते. पंतने परदेशातील भूमीवर एकूण ५ कसोटी शतके आणि मायदेशात २ कसोटी शतके ठोकली आहेत. इंग्लंडच्या भूमीवर इंग्लंडविरुद्ध ३ शतके करणारा पंत हा एकमेव भारतीय यष्टीरक्षक आहे.



इंग्लंडचा कसोटी संघ: जॅक क्रॉली, बेन डकेट, ऑली पोप, जो रूट, हॅरी ब्रूक, बेन स्टोक्स (कर्णधार), जेमी स्मिथ (यष्टीरक्षक), ख्रिस वोक्स, ब्रायडन कार्स, जोश टंग, शोएब बशीर.

भारतीय कसोटी संघ: केएल राहुल, यशस्वी जयस्वाल, साई सुदर्शन, शुभमन गिल (कर्णधार), ऋषभ पंत (उपकर्णधार/यष्टीरक्षक), करुण नायर, रवींद्र जडेजा, शार्दुल ठाकूर, मोहम्मद सिराज, जसप्रीत बुमराह, प्रसिद्ध कृष्णा.

इंग्लंड-भारत कसोटी मालिकेचे वेळापत्रक


पहिली कसोटी: जून २०-२४, हेडिंग्ले (लीड्स)

दुसरी कसोटी: 2-6 जुलै, एजबॅस्टन (बर्मिंगहॅम)

तिसरी कसोटी: 10-14 जुलै, लॉर्ड्स (लंडन)

चौथी कसोटी: 23-27 जुलै, ओल्ड ट्रॅफर्ड (मँचेस्टर)

पाचवी कसोटी: ३१ जुलै ते ४ ऑगस्ट, ओव्हल (लंडन)

 
Comments
Add Comment

IND vs ENG: चौथ्या दिवसाचा खेळ संपला, इंग्लंडला विजयासाठी हव्यात ३५ धावा, भारताला चमत्कार वाचवणार का?

लंडन: भारत आणि इंग्लंड यांच्यातील पाचव्या कसोटी सामन्याचा चौथ्या दिवशीचा खेळ संपला आहे. चौथ्या दिवशी पावसामुळे

यशस्वी जायसवालने शतक ठोकत रवी शास्त्रींना टाकले मागे, टीम इंडियानेही रचला खास विक्रम!

लंडन: इंग्लंडविरुद्धच्या पाचव्या कसोटी सामन्यात युवा सलामीवीर यशस्वी जायसवालने पुन्हा एकदा आपल्या फलंदाजीची

India vs England 5th Test: ओव्हल कसोटीत भारताने इंग्लंडला दिले ३७४ धावांचे लक्ष्य, सुंदरची 'सुंदर' खेळी

India vs England 5th Test: भारत आणि इंग्लंड यांच्यातील अँडरसन-तेंडुलकर ट्रॉफी २०२५ चा शेवटचा कसोटी सामना लंडनमधील ओव्हल क्रिकेट

"आम्ही पुन्हा प्रयत्न करत आहोत" सायना नेहवाल आणि पी. कश्यपच्या नात्यात यु टर्न

नवी दिल्ली: बॅडमिंटनपटू सायना नेहवाल (Saina Nehwal) आणि पारुपल्ली कश्यप (Parupalli Kashyap) या दोघांच्या नात्यात पुन्हा एकदा गोडवा

जसप्रीत बुमराहच्या आशिया कप खेळण्यावर प्रश्नचिन्ह

नवी दिल्ली:  आशिया कप २०२५ पुढील महिन्यात खेळवला जाणार आहे आणि चाहते या स्पर्धेबद्दल खूप उत्सुक आहेत. पण

ग्रॅन्डमास्टर दिव्या देशमुखला शासनाकडून ३ कोटींचे बक्षीस, मुख्यमंत्री देवेंद्र फडणवीसांच्या हस्ते सत्कार

नागपूर: महाराष्ट्राच्या दिव्या देशमुखने फिडे महिला बुद्धीबळ विश्वचषकात विजेतेपद पटकावल्यामुळे, महाराष्ट्र