मुंबई : मराठी सिनेइंडस्ट्रीतील अभिनेता आणि दिग्दर्शक तुषार घाडीगावकर याने आत्महत्या केल्याचे समोर आले आहे. काम मिळत नसल्यामुळे त्याने इतक्या टोकाचे पाऊल उचलले आहे. चला हवा येऊ द्या फेम अभिनेता अंकुर वाढवेने त्याच्या निधनाची माहिती सोशल मीडियावर शेअर केली आहे. तुषार घाडीगावकरच्या निधनामुळे मराठी सिनेइंडस्ट्रीवर शोककळा पसरली आहे.
अभिनेता अंकुर वाढवेने तुषार घाडीगांवकरच्या निधनासंदर्भात इन्स्टाग्रामवर पोस्ट केली आहे. अंकुरने तुषारचा एक फोटो शेअर करून भावुक कॅप्शन दिलं आहे. त्यांनी पोस्टमध्ये लिहिले की,''मित्रा का? कश्यासाठी? काम येतात जातात! आपण मार्ग काढले पाहिजे पण आत्महत्या हा मार्ग नाही! मान्य आहे सध्याची परिस्थिती विचित्र आहे पण हा निर्णय नाही होऊ शकत तुषार घाडीगावकर तू हरलास म्हणजे आम्ही सगळे हरलो.''
मुंबई: ‘येरे येरे पैसा’ आणि ‘येरे येरे पैसा २’ च्या प्रचंड यशानंतर आता प्रेक्षकांच्या मनोरंजनाचा तिहेरी डोस घेऊन ‘येरे येरे पैसा ३’ लवकरच ...
अभिनेता तुषार घाडीगावकरने नाटक, मालिका आणि चित्रपट अशा तिन्ही माध्यमात काम केले आहे. त्याने हिंदीतही काम केले आहे. तसेच काही जाहिरातींमध्येही तो झळकला होता. त्याने उनाड , झोंबिवली, लवंगी मिरची, मन कस्तुरी रे, भाऊबळी, हे मन बावरे, संगीत बिबट आख्यान या प्रोजेक्टमध्ये काम केले आहे.