चौकशी होणार
विमानाचा अपघात झाला अथवा वैमानिकाने 'मेडे' असे नियंत्रण कक्षाला कळवले तर संबंधित विमानात काय घडले याची चौकशी केली जाते. या नियमानुसार इंडिगोच्या संबंधित वैमानिकाची आणि सहवैमानिकाची चौकशी होणार आहे.
'मेडे' म्हणजे काय ?
'मेडे कॉल' हा विमान वाहतूक आणि सागरी वाहतुकीच्या क्षेत्रात सर्वात तातडीचा संकटाचा सिग्नल आहे, जो केवळ जीवघेण्या आपत्कालीन परिस्थितीसाठी वापरतात. जिथे तात्काळ मदत आवश्यक असते तिथेच हा शब्द वापरला जातो. विमानाच्या वैमानिकाने / जहाजाच्या खलाश्याने सलग तीन वेळा - "मेडे, मेडे, मेडे" म्हटल्यास सर्वोच्च प्राधान्य देत नियंत्रण कक्षाने तसेच जवळ असलेल्या विमानाने / जहाजाने शक्य ती मदत पुरवणे अपेक्षित आहे. लंडनच्या क्रॉयडन विमानतळावरील रेडिओ अधिकारी फ्रेडरिक स्टॅनली मॉकफोर्ड यांनी "मायडर" या फ्रेंच वाक्यांशाची ध्वन्यात्मक आवृत्ती म्हणून १९२० मध्ये 'मेडे' अर्थात 'मला मदत करा' अशी संज्ञा विकसि केली.
