गुरुग्राम: भारतातील आघाडीचा कंपन्यापैकी एक अक्षय ऊर्जा कंपनी (Renewable Energy Company) एसीएमई सोलर होल्डिंग्ज लिमिटेड (एसीएमई सोलर) ने राजस्थानमधील त्यांच्या २५० मेगावॅट फर्म अँड डिस्पॅचेबल रिन्यूएबल एनर्जी (एफडीआरई) प्रकल्पासाठी एनएचपीसी लिमिटेड या एएए रेटेड केंद्र सरकारच्या उपक्रमासोबत २५ वर्षांचा वीज खरेदी करार (पीपीए) केला आहे. ४०% च्या किमान वार्षिक क्षमता वापर घटक (सीयूएफ) साठी आणि दररोज ४ तासांच्या पीक पॉवर गरजेच्या ९०% पूर्ण करण्यासाठी पीपीए करार ४.५६ रुपये प्रति किलोवॅट प्रति तास या दराने करण्यात आला आहे.
सौर,पवन आणि बॅटरी स्टोरेज तंत्रज्ञानाच्या नाविन्यपूर्ण मिश्रणाद्वारे भारताच्या स्वच्छ ऊर्जा महत्त्वाकांक्षांना पाठिंबा देताना,एफडीआरई क्षेत्रात एसीएमई सोलरचा ठसा मजबूत करण्यासाठी हा पीपीए एक महत्त्वपूर्ण पाऊल असल्याचे कंपनीने म्हटले आहे.हा प्रकल्प आयएसटीएस सबस्टेशनशी जोडला जाईल ज्यासाठी कनेक्टिव्हिटी आधीच उपलब्ध आहे. वीज कायदा २००३ च्या कलम ६३ अंतर्गत दर स्वीकारण्यासाठी आवश्यक असलेली मंजुरी माननीय CERC ने १९.०६.२०२५ रोजी NHPC ने दाखल केलेल्या याचिका क्रमांक ८७/AT/२०२५ मध्ये जारी केली आहे. या PPA वर स्वाक्षरी झाल्यानंतर, ACME Solar चा PPA-स्वाक्षरी केलेला पोर्टफोलिओ ५,१३० MW आहे ज्यापैकी २,८२६.२ MW आधीच कार्यरत आहे आणि उर्वरित अंमलबजावणीच्या विविध टप्प्यात आहे. याव्यतिरिक्त, कंपनीकडे १,८४० MW ची एक पाइपलाइन आहे ज्यासाठी लेटर ऑफ अवॉर्ड (LOA) प्राप्त झाला आहे. ACME Solar च्या एकूण पोर्टफोलिओमध्ये केंद्र सरकारी उपक्रमांकडून ८६% आणि राज्य डिस्कॉम्सकडून उर्वरित १४% ओव्हरटेक आहे असे कंपनीने यावेळी म्हटले.
ACME Solar Holdings कंपनी नक्की काय करते?
ACME Solar Holdings ही एक एकात्मिक अक्षय ऊर्जा कंपनी आहे ज्याच्याकडे सौर, पवन, FDRE आणि हायब्रिड सोल्यूशन्सचा समावेश असलेल्या ६,९७० MW च्या वैविध्यपूर्ण पोर्टफोलिओसह एक अग्रगण्य एकात्मिक (Integrated) अक्षय ऊर्जा कंपनी आहे. या टप्प्यासह, एसीएमई सोलरची कार्यक्षम क्षमता २,८२६.२ मेगावॅट झाली आहे आणि अंमलबजावणीच्या विविध टप्प्यांमध्ये आणखी ४,१४३.८ मेगावॅट आहे. इन-हाऊस ईपीसी आणि ओ अँड एम विभागासह, कंपनी प्लांट्सचे एंड-टू-एंड डेव्हलपमेंट (End to End Devlopment)आणि ओ अँड एम (O&M) करते, ज्यामुळे प्रकल्प वेळेवर आणि किफायतशीर पद्धतीने पूर्ण होतात आणि त्याचबरोबर त्यांच्या उद्योगातील आघाडीच्या सीयूएफ आणि ऑपरेटिंग मार्जिनमध्ये सर्वोत्तम कार्यक्षमतेची खात्री होते असे कंपनीने यावेळी म्हटले आहे.
