एसएनबी (SNB) डेटानुसार, विशेष म्हणजे ठेवीत सर्वाधिक वाढ कोविड काळात झाली आहे. कोविड अखेरपर्यंत १० वर्षातील मुदत ठेवीत सर्वाधिक वाढ झाली होती जी तब्बल ६०२ दशलक्ष डॉलर्सवर होती. आर्थिक वर्ष २०२३ मध्ये स्विस बँकेत भारतीय पैसा ३०९ दशलक्ष डॉलर्सवर होता जो आर्थिक वर्ष २०२४ पर्यंत ३७ दशलक्ष स्विसने वाढत ३४६ दशलश स्विसवर गेला होता. जरी हा पैसा या एका आर्थिक वर्षात वाढला असला तरी मात्र गेल्या दहा वर्षांतील भारतीय ठेवीत घट झाली आहे.
युके नागरिकांच्या मुदतठेवीतही घट झाली आहे. आर्थिक २०१५ मधील ४४ अब्ज स्विस फ्रँकवरून आर्थिक वर्ष २०२४ पर्यंत ३१ अब्ज स्विस फ्रँकवर पोहोचला आहे. चीनच्या ठेवीतही संख्यात्मक दृष्ट्या घट झाली आहे. गेल्या वर्षी चीनच्या ठेवीत ५.१% वरून ४.३% घट झाली आहे. इतर देशांच्या ठेवीमध्येही घट झाल्याचे निरिक्षण डेटामध्ये नोंदवले आहे.शेजारील पाकिस्तान व बांगलादेश यांच्या स्विस बँकेतील ठेवीतही लक्षणीयरीत्या घट झाली आहे. पाकिस्तानी ठेवीत २०१५ मधील ९४७ दशलक्ष स्विस फ्रँकवरून आर्थिक वर्ष २०२४ पर्यंत २४१ दशलक्ष स्विस फ्रँकवर घसरण झाली आहे. जे जवळपास ७५% प्रमाण घसरणीचे आहे. बांगलादेश ठेवीत आर्थिक वर्ष २०१५ मधील १२.६ दशलक्ष स्विस फ्रँकवरून १२.६ दशलक्ष स्विस फ्रँकवर घसरण झाली जी जवळपास ७३% आहे. सौदी अरेबिया मुदत ठेवीत आर्थिक वर्ष २०१५ मधील ८.३ अब्ज स्विस फ्रँकवरून घसरत आर्थिक वर्ष २०२५ पर्यंत ४.८ अब्ज स्विस फ्रँकवर पोहोचली आहे. सर्वाधिक घसरण अमेरिकन मुदतठेवीत झालेली आहे. आर्थिक वर्ष २०१५ ते २०२४ काळात अनुक्रमे ६४.२ वरून घसरत २४.४ स्विस फ्रँकवर ठेवी पोहोचल्या आहेत.
जगातील विविध जिओपोलिटिकल स्थितीमुळे, वाढलेल्या पारदर्शकतेमुळे, वाढलेल्या आंतरराष्ट्रीय नियमावलीमुळे तसेच विदेशी संबंध, आंतरराष्ट्रीय विनियोग अशा विविध कारणास्तव स्विस बँकेतील भारतासह इतर राष्ट्रांच्या गुंतवणूका कमी झालेल्या दिसल्या आहेत. एकूणच भारतच्या स्थितीवर बोलायचे झाल्यास कोविड काळातील अपवाद वगळता भारतीय ठेवीदारांच्या स्विस बँकेच्या ठेवीत घसरण झाली.
