पावसाळ्यात पाण्याचा निचरा करण्यासाठी सहा पंपिंग स्टेशन
- मिनी पंपिंग स्टेशनचीही निर्मिती
- चार वर्षांकरता पंप देखभालीसाठी दिले कंत्राट
- दरवर्षी सुमारे ६ कोटी वापरले जाणार
मुंबई :मुंबईतील अनेक सखल भागांमध्ये पावसाळ्यात तुंबणाऱ्या पाण्याचा योग्य प्रकारे निचरा करण्यासाठी महापालिकेच्या वतीने मोठ्या सहा पंपिंग स्टेशनसोबत तीन लघु पंपिंग अर्थात मिनी पंपिंग स्टेशनची निर्मिती करण्यात आली आहे. कलानगर, किंग सर्कलमधील गांधी मार्केट आणि हिंदमाता परिसरातील साचणाऱ्या पाण्याचा निचरा करण्यासाठी मिनी पंपिंग स्टेशनच्या तीन वर्षांच्या देखभालीवर तब्बल १०० कोटींवर खर्च करण्यात येत आहे. यामध्ये मातोश्री अंगणात अर्थांत कलानगरमध्ये पाणी साचले जावून म्हणून कलानगरमध्ये कोविड काळात मिनी पंपिंग स्टेशनची उभारणी केली असून याठिकाणी पाणी साचले जावून नये म्हणून दरवर्षी सुमारे ६ कोटी रुपयांचा खर्च केला जात आहे.
पावसाळ्यात अनेक भागांमध्ये पाणी तुंबण्याची ठिकाणांवरील पाण्याचा निचरा करण्यासाठी इर्ला, लव्हग्रोव्ह, हाजीअली, ब्रिटानिया आदी पंपिंग स्टेशनची उभारणी केली जात असली तरीही काही भागांमध्ये तुंबणाऱ्या पाण्यासाठी विविध ठिकाणी पंप बसवण्याची कामे हाती घेण्यात आली आहे.
कलानगर लघू पंपिंग स्टेशन
पंप बसवण्याचा कालावधी : सन २०२५ ते सन २०२८
पंप बसवण्यासाठी येणारा खर्च : २४.७८ कोटी रुपये
कंपनीची नाव : महाबल इन्फ्रा, इंजिनिअरींग कंपनी
१००० घनमीटर पंप : १७ पंप
२४० घनमीटर पंप : ०४
गांधी मार्केट, डॉ. बाबासाहेब आंबेडकर मार्ग, शीव
पंप बसवण्याचा कालावधी : सन २०२५ ते सन २०२८
पंप बसवण्यासाठी येणारा खर्च : २६. १६ कोटी रुपये
कंपनीची नाव : साज एंटरप्रायझेस
३००० घनमीटर क्षमतेचे : ०६ पंप
१००० घनमीटर क्षमतेचे : ०२ पंप
५०० घनमीटर क्षमतेचे : ०६ पंप
परळ हिंदमाता आणि मडके बुवा परिसर
पंप बसवण्याचा कालावधी : सन २०२५ ते सन २०२८
पंप बसवण्यासाठी येणारा खर्च : ५१.२५ कोटी रुपये
कंपनीची नाव : एआर ए-एएनसी संयुक्त भागीदार एकूण पंप : ०९ मोठे पंप
