मुंबई: २०२६मध्ये होणाऱ्या टी-२० महिला वर्ल्डकपचे यजमानपद इंग्लंड करत आहे. इंग्लंड अँड वेल्स क्रिकेट बोर्डाने वर्ल्डकपचे वेळापत्रक जाहीर केले आहे. यानुसार स्पर्धेचा पहिला सामना यजमान इंग्लंड आणि श्रीलंका यांच्यात खेळवला जाईल. टी-२० वर्ल्डकपचे आयोजन १२ जून ते ५ जुलै पर्यंत असेल. भारतीय संघाचा पहिला सामना १४ जूनला पारंपारिक प्रतिस्पर्धी पाकिस्तानशी होणार आहे. वर्ल्डकपमध्ये एकूण १२ संघ सहभाग घेतील. यातील ६-६ ग्रुप दोन संघात विभागला जाणार आहे.
१२ संघांना ६-६ मध्ये विभागले जाईल. प्रत्येक ग्रुपमध्ये टॉप २ मध्ये असणाऱ्या संघांना सेमीफायनलमध्ये एंट्री मिळेल. भारत, पाकिस्तान, दक्षिण आफ्रिका, ऑस्ट्रेलियासह इतर २ क्वालिफाय करणाऱ्या संघांना ग्रुप ए मध्ये ठेवण्यात आले आहे.
तर ग्रुप बीमध्ये इंग्लंड, वेस्ट इंडिज, न्यूझीलंड, श्रीलंका आणि इतर दोन क्वालिफाय करणाऱ्या संघांना स्थान मिळेल.
वर्ल्डकप स्पर्धेसाठी एकूण ६ मैदानांची निवड करण्यात आली आहे. यात लॉर्ड्स, द ओव्हल, एजबेस्टन, ओल्ड ट्रॅफर्ड क्रिकेट ग्राऊंड, ब्रिस्टॉल काऊंटी ग्राऊंड आणि हॅम्पशायर बॉल मैदान आहे. भारतीय वेळेनुसार हे सामने दुपारी ३ वाजता, संध्याकाळी ७ वाजता आणि रात्री ११ वाजता सुरू होतील.
वर्ल्डकपसाठी भारताचे वेळापत्रक
२०२६ महिला टी-२० वर्ल्डकपमध्ये भारताचा पहिला सामना १४ जूनला पारंपारिक प्रतिस्पर्धी पाकिस्तानशी होणार आहे. १७ जूनला त्याच ग्रुप एमध्ये क्वालिफाय करणाऱ्या संघाशी होईल. तर २१ जूनला त्यांचा सामना दक्षिण आफ्रिकेशी होणार आहे. २५ जूनला त्यांचा सामना दुसऱ्या क्वालिफायर संघाशी होईल. टीम इंडियाचा शेवटचा ग्रुप सामना २८ जूनला ऑस्ट्रेलियाशी होणार आहे.