सेन्सेक्स बँक निर्देशांकात २५.६८ अंकाने घसरण झाली तर बँक निफ्टी निर्देशांकात मात्र ११४.६० अंकांनी वाढ झाली आहे. बीएसीई (BSE) मिडकॅपमध्ये ०.३४%, स्मॉलकॅपमध्ये (०.३४%) घसरण झाली आहे. एनएसई (NSE) मिडकॅपमध्ये (०.४६%) व स्मॉलकॅपमध्ये (०.२३%) घसरण झाली आहे.
निफ्टी क्षेत्रीय निर्देशांक (Nifty Sectoral Indices) मध्येही आज बहुतांश समभागात नुकसान झाले आहे. ऑटो (०.३७%), खाजगी बँक (०.३९%), कंज्युमर ड्युरेबल्स (०.७९%) समभागात झालेली वाढ वगळता सर्वाधिक घसरण सकाळ प्रमाणेच मिडिया (१.२७%) तसेच आयटी (०.८३%), एफएमसीजी (०.४७%), पीएसयु बँक (०.४१%), हेल्थकेअर (०.५९%), तेल व गॅस (०.४८%) निफ्टी मिडस्मॉल हेल्थकेअर (०.६७%) यामध्ये झाली आहे. आज बाजारातील एकूणच चित्र पाहता बाजारात संदिग्धता व गुंतवणूकदारांची उद्विग्न अवस्था स्पष्ट झाली. आंतरराष्ट्रीय बाजारातील पडझडीचे सत्र आजही कायम राहिल्याने आज अपेक्षित ' इक्विलिबिरियम' बाजार पार करू शकले नाही.किंबहुना बाजारात मिडकॅप बरोबर स्मॉलकॅपमध्ये झालेल्या घसरणीचा फटका बाजारात बसला. मोठ्या ब्लू चिप्स कंपनी शेअर्समध्ये प्रतिसाद संमिश्र होता ज्यामुळे बाजारातील खालावलेली पातळी मर्यादित राहिली आहे. दुसरीकडे सोन्याने उसळी घेतल्यानंतर कच्च्या तेलाच्या कालपर्यंत नियंत्रणात आलेल्या महाग किंमतीने पुन्हा रिबाऊंड केले आहे परिणामी बाजारात आज पुन्हा एकदा कच्च्या तेलाच्या (Crude Oil) दरात ५ महिन्यातील सर्वाधिक भाववाढ झाली आहे ज्याचा फायदा बाजारात बसला. आज या घटनेचा फटका तेल व गॅस (०.४८%) समभागांनादेखील बसला आहे.
विशेषतः खाजगी बँक (०.३९%)ऑटो (०.३७%) समभागात वाढ होऊन देखील फेडरल रिझर्व्ह व्याजदरात कपात निकालाची प्रतिक्षा बाजाराने केल्याने सहाजिकच पीएसयु बँक (०.४१%), सेन्सेक्स व बँक निफ्टीत झालेल्या घसरणीचा फटका बसला. त्यामुळे सपोर्ट लेवल आटोक्यातच राहिली आहे. सेन्सेक्समधील ३० पैकी २० कंपन्यांचे शेअर्स घसरले, ज्यामध्ये टीसीएस, अदानी पोर्ट्स, हिंदुस्तान युनिलिव्हर, नेस्ले इंडिया, बजाज फिनसर्व्ह आणि एनटीपीसी यांचा समावेश आहे. इंडसइंड बँक, टायटन, महिंद्रा अँड महिंद्रा, मारुती सुझुकी, एशियन पेंट्स आणि भारती एअरटेल हे समभाग आज वधारले आहेत ज्यामुळे होणारी पडझड मर्यादेत राहिली आहे.
दुसरीकडे इस्त्राईल इराण युद्ध व फेडरल रिझर्व्ह व्याजदरात कपात होईल का याकडे मुख्यतः युएस बाजाराचे लक्ष अवलंबून असल्याने सुरूवातीच्या कलात अमेरिकन बाजारातही घसरण झाली आहे. संध्याकाळपर्यंत डाऊ जोन्स (Dow Jones Futures) मध्ये ०.०८% किरकोळ वाढीचा अपवाद सोडल्यास एस अँड पी (S &P 500) मध्ये ०.८४% अंकांने व नासडाक (NASDAQ) बाजारात ०.९१% घसरण झाली आहे. आशियाई बाजारातील गिफ्ट निफ्टीनंतर निकेयी (Nikkei 225) ०.९०%, हेंगसेंग (१.१४%), सेट कंपोझिट (१.७४%) नुकसान झाले आहे तर अमेरिकन बाजारातील अस्थिरतेचा फायदा, चीनमधील वाढलेली निर्यातीची आकडेवारी यामुळे शांघाय कंपोझिट (०.०४%) या किरकोळ वाढीने निर्देशित झाला आहे.
दुसरीकडे एमसीएक्सवर सोन्याच्या निर्देशांकात दुपारपर्यंत ०.०८% व गोल्ड फ्युचर निर्देशांकात ०.२४% घट झाली असली तरी सोन्यात तुलनात्मकदृष्ट्या मोठी वाढ झाली आहे होती तर चांदीत मर्यादित वाढ झाली होती. संध्याकाळपर्यंत चांदीच्या एमसीएक्सवरील निर्देशांकात ०.५६% वाढ झाली होती. आज कच्च्या तेलाच्या जागतिक निर्देशांकात ०.२०% घसरण झाली आहे तर कच्च्या तेलाच्या निर्देशांकात डब्लूटीआय फ्युचर (WTI Futures) मध्ये ०.१६% तर ब्रेंट (Brent) निर्देशांकात ०.३५% वाढ झाली आहे . तेलाच्या पुरवठ्यात घट मागणीत प्रचंड वाढ या कारणाने निर्देशांकातील वाढ अधोरेखित करते.
डॉलरच्या तुलनेत रुपयाची सकाळपर्यंत ३० पैशाने घसरण झाल्यानंतर रूपया डॉलरच्या तुलनेत ८६.३७ पातळीवर पोहोचला आहे काल या डॉलरची किंमत ८६.३४ होती. या कारणांमुळे मोठ्या प्रमाणात परदेशी संस्थात्मक गुंतवणूकदार (Foreign Institutional Investors FII) हे घरगुती बाजारातून आपली गुंतवणूक काढत आहेत. मंगळवारी बाजारात परदेशी संस्थात्मक गुंतवणूकदारांनी १४८२.७७ कोटींची खरेदी केली होती व घरगुती गुंतवणूकदारांनी ८२०७.१९ कोटींची खरेदी केली होती.
आज अखेरच्या सत्रात वाढ इंडसइंड बँक (५.११%), आरबीएल (RBL Bank) (४.४७%), एव्हेन्यू सुपरमार्ट (४.१७%), वेदांत फॅशन (३.९७%), बंधन बँक (३.२८%), वन ९७ (३.०५%), स्विगी (२.७१%), रॅडिको खैतान (१.९९%), मारूती सुझुकी (१.२१%), ट्रेंट (१.९३%), महिंद्रा अँड महिंद्रा (१.१३%), सिमेन्स (१.०३%), भारत पेट्रोलियम कॉर्पोरेशन (०.९८%), आयशर मोटर्स (०.९७%), आयसीआयसीआय लोमबार्ड (०.८२%) या समभागात वाढ झाली आहे. तर अखेरच्या सत्रात हिन्दुस्तान झिंक (६.८९%), एमएमटीसी (४.१७%),मॅक्स हेल्थकेअर (३.६९%), टाटा टेलिकम्युनिकेशन (३.०५%), टीव्हीएस होल्डिंग (३.०१%), एनएचपीसी (२.९५%) बायोकॉन (२.९५%), जेल इंडिया (२.४९%), टीसीएस (१.८२%), आरईसी (१.६७%), पॉवर फायनान्स (१.५०%), सीजी पॉवर (१.४६%), अदानी पोर्टस (१.४१%), एलआयसी (१.३६%), हिन्दुस्तान युनिलिव्हर (१.३४%), जेएसबब्लू स्टील (१.३३%), अदानी पॉवर (१.३३%) या समभागात झाली आहे.
'प्रहार' शी बोलताना आजच्या बाजारातील परिस्थितीवर विश्लेषण करताना ज्येष्ठ बाजार अभ्यासक अजित भिडे म्हणाले,' इराण व इस्राईल यांच्या युद्धावर संपूर्ण जगाचे लक्ष लागलं आहे.आज अपेक्षेप्रमाणे अमेरिका स्वतः युद्धात उतरली आहे. इराण मधील तेहरान शहर युएस राष्ट्राध्यक्ष डोनाल्ड ट्रम्प यांनी नागरीकांना सोडण्याचा इशारा कालच दिल्यानंतर अमेरिकन विमाने अधिकृत पणे लढाईत उतरलेली दिसत आहेत. त्यामुळेच आर्थिक जगतात कच्चे तेल,डाॅलर,सोनं यावर लक्ष केंद्रित होत असतं त्यानुसार भारत ही त्याला अपवाद नाही.सर्व स्तरांवर बाजार लक्ष ठेऊन आहे.पुढील आठवड्यात ही युद्धजन्य परिस्थिती बदलेल असे वाटतेय.कारण प्रत्यक्ष अमेरिका युद्धात सामील झाल्यावर युद्ध पुढील पाच दिवसात संपुष्टात येऊ शकतं. पण इराणचे खोमेनींची उचल बांगडी होईपर्यंत अमेरीकन व इस्त्राईल शांत बसणार नाहीत असे दिसतेय.शेअर बाजार यासर्व घडामोडींवर बारीक लक्ष ठेवून सावध पणे वाटचाल करीत आहे. विदेशी गुंतवणूकदारांकडून (FII) विशेष विक्री ही दिसत नाही. युद्धाची परिस्थितीनुसार बाजाराचा कल असेल.२०० पाॅईंट कमी अधिक असे स्वरूप राहील'.
आजच्या बाजारातील परिस्थितीवर भाष्य करताना बजाज ब्रोकिंग रिसर्चने म्हटले आहे की, 'बेंचमार्क निर्देशांक एका अरुंद श्रेणीत व्यवहार करत होते आणि दिवसाच्या आत अस्थिरता वाढली,शेवटी सत्राचा शेवट किरकोळ लाल रंगात झाला. हेडलाइन निर्देशांकांसाठी सलग दुसऱ्या सत्रात घसरण झाली. निफ्टी सपाट पातळीवर उघडला परंतु २४,८०० झोनजवळ खरेदीची तीव्र उत्सुकता दिसून आली,ज्यामुळे तीक्ष्ण पुनरागमन झाले ज्यामुळे निर्देशांक सुरुवातीच्या तासात २४,९४७ च्या इंट्राडे उच्चांकावर पोहोचला.
तथापि,वाढीचा पाठपुरावा झाला नाही आणि उच्च पातळीवर नफा बुकिंगमुळे शेवटच्या तासात निर्देशांक २४,७५० च्या इंट्राडे नीचांकी पातळीवर पोहोचला.निर्देशांक अखेर २४,८१२.०५ वर स्थिरावला. ४१.३५ अंकांनी किंवा ०.१७% घसरला. व्यापक बाजारातील भावना दबावाखाली राहिली, निफ्टी मिडकॅप १०० आणि निफ्टी स्मॉलकॅप १०० निर्देशांक अनुक्रमे ०.४६% आणि ०.२३% ने घसरले, जे सुधारात्मक प्रभाव दर्शवते. बाजारातील सहभागी आता आज नंतर होणाऱ्या यूएस फेडरल रिझर्व्हच्या धोरणात्मक निर्णयाकडे लक्ष केंद्रित करतात.दरांवरील स्थिती मोठ्या प्रमाणात अपेक्षित असताना,मध्य पूर्वेतील वाढत्या भू-राजकीय जोखीम आणि अलिकडच्या अमेरिकेच्या शुल्क लादण्याच्या पार्श्वभूमीवर फेडच्या पुढील मार्गदर्शनाचे बारकाईने विश्लेषण केले जाईल.
मध्यपूर्वेतील वाढत्या तणावामुळे ब्रेंट क्रूडच्या किमती वाढल्या आहेत आणि भारत क्रूड आयातीवर जास्त अवलंबून असल्याने त्याच्यासाठी मॅक्रो अडथळा निर्माण झाला आहे, ज्यामुळे कॉर्पोरेट उत्पन्नाच्या अंदाजांना धोका निर्माण झाला आहे. क्षेत्रीयदृष्ट्या, बाजाराची व्याप्ती घसरणीकडे झुकली होती, निफ्टी आयटी निर्देशांक कमी कामगिरी करत होता.०.८३% घसरला. धातू आणि एफएमसीजीमध्येही लक्षणीय कमकुवतपणा दिसून आला,अनुक्रमे ०.७२ % आणि ०.४७% घसरण झाली. दुसरीकडे, निफ्टी बँक निर्देशांक किंचित जास्त राहिला, तर निवडक ऑटो आणि ग्राहकोपयोगी वस्तूंच्या नावांनी खरेदीची आवड निर्माण केली, ज्यामुळे बेंचमार्कला काही आधार मिळाला आहे.'
आजच्या बाजारातील निफ्टीवर भाष्य करताना बजाज ब्रोकिंग रिसर्चने म्हटले आहे की, 'अमेरिकेच्या FOMC दर निर्णयापूर्वी आणि चालू असलेल्या भू-राजकीय तणावापूर्वी निर्देशांकाने एक लहान बुल कॅन्डल तयार केली ज्यावर एक लांब वरचा सावली एकत्रीकरणाचे संकेत देत होती. अपेक्षित रेषांवर निर्देशांक २४,४००-२५,२०० च्या विस्तृत झोनमध्ये त्याचे चालू पाच आठवड्यांचे रेंज-बाउंड एकत्रीकरण वाढवत असल्याचे दिसून येते. वरच्या बाजूस, निर्देशांक २५,००० च्या जवळ तात्काळ पुरवठा दबावाचा सामना करत आहे, या पातळीपेक्षा सतत ब्रेकआउटमुळे एकत्रीकरण क्षेत्राच्या वरच्या सीमेकडे अल्पकालीन पुलबॅक रॅली सुरू होऊ शकते, जी २५,२०० च्या आसपास आहे. डाउनसाइड निर्देशांकाला २४,७०० वर तात्काळ समर्थन आहे,त्याखालील उल्लंघनामुळे २४,५००-२४,४०० पातळीच्या आसपास असलेल्या एकत्रीकरण श्रेणीच्या खालच्या बँडकडे घसरण वाढेल. प्रमुख समर्थन २४,५००-२४,४०० झोनमध्ये अँकर केले आहे, जे ५०-दिवसांच्या EMA आणि पाच-आठवड्यांच्या एकत्रीकरण श्रेणीच्या खालच्या सीमेचे एकत्रिकरण (Integration)दर्शवते, ज्यामुळे ते निर्देशांकासाठी एक महत्त्वपूर्ण मागणी क्षेत्र बनले आहे.'
आजच्या बाजारातील बँक निफ्टीवर भाष्य करताना बजाज ब्रोकिंग रिसर्चने म्हटले आहे की,' यूएस फेडरल रिझर्व्हच्या दर निर्णयापूर्वी बँक निफ्टीने एक लहान वरच्या सावलीसह एक लहान बूल कॅन्डल (Bull Candle) तयार केली आहे जी एकत्रीकरणाचे संकेत देत आहे. ५६,००० अंकांच्यावर फक्त एक स्थिर बंद पुढे गेल्यास ५६,६०० आणि ५७,००० निर्देशांक पातळींकडे आणखी वर जाण्याचा मार्ग मोकळा होऊ शकतो. तथापि, हा अडथळा ओलांडण्यास असमर्थतेमुळे ५६,००० आणि ५५,००० दरम्यान रेंज-बाउंड किंमत क्रिया चालू राहू शकते, ज्यामुळे स्टॉक-विशिष्ट हालचालींवर लक्ष केंद्रित होण्याची शक्यता आहे. नकारात्मक बाजूने, ५५,००० अंकांच्या खाली निर्णायक ब्रेक डाउन सध्याच्या एकत्रीकरण संरचनेला Structural Integration)अवैध ठरवेल आणि येणाऱ्या सत्रांमध्ये ५४,५००-५४,००० प्रदेशातील प्रमुख समर्थन क्षेत्राच्या पुनर्चाचणीसाठी दरवाजे उघडेल.'
आजच्या बाजारातील परिस्थितीवर प्रतिक्रिया देताना जिओजित इनव्हेसमेंट लिमिटेडचे हेड ऑफ रिसर्च विनोद नायर म्हणाले आहेत की, 'मध्य पूर्वेतील सततच्या तणावामुळे आणि तेलाच्या किमतीतील अस्थिरतेमुळे एकूणच भावनांवर परिणाम झाल्यामुळे देशांतर्गत बाजार सुरुवातीचा फायदा राखण्यात अपयशी ठरला. तथापि, मागणी पुनरुज्जीवनाच्या अपेक्षांमध्ये ऑटो आणि ग्राहक विवेकाधिकार वाढला. देशांतर्गत मॅक्रोच्या आधारभूत पायामुळे, दीर्घकालीन दृष्टिकोन अबाधित राहतो आणि अधिक स्पष्टता येईपर्यंत गुंतवणूकदार उच्च-गुणवत्तेच्या लार्ज-कॅप स्टॉकवर लक्ष केंद्रित करण्याची शक्यता आहे. गुंतवणूकदार आज नंतर यूएस फेड धोरणावर लक्ष ठेवतील.टॅरिफ (Tariff) धोक्यामुळे महागाई वाढण्याची शक्यता असल्याने FOMC दर फेड अपरिवर्तित ठेवू शकते.'
