गारेगार प्रवाससाठी वर्षभर थांबाच!
आयटी अभियंत्यांना थंडगार व आरामदायी प्रवासासाठी आणखी वर्षभर प्रतिक्षाच करावी लागणार आहे. कारण हिंजवडी ते शिवाजीनगरला जोडणाऱ्या बहुप्रतीक्षित पुणे मेट्रो लाइन-३ चं काम सप्टेंबर २०२५ पर्यंत होणं अपेक्षित होतं. पण ते शक्य नाही. त्याला आणखी वर्षांचा कालावधी लागू शकतो. २३.३ किलोमीटर लांबीच्या या उन्नत मार्गिकेचं काम आता थेट मार्च २०२६ पर्यंत पूर्ण होण्याची शक्यता वर्तवली जात आहे.
?si=RzVzy3qFY2_n1b7F
पुणे महानगर क्षेत्र विकास प्राधिकरण म्हणजे PMRDAकडून सार्वजनिक-खासगी भागीदारी म्हणजे पीपीपी मॉडेल तत्वावर हिंजवडी ते शिवाजीनगर या मेट्रो लाईन ३ प्रकल्पाचं काम युद्धपातळीवर सुरू आहे. ७,४२० कोटी रुपये खर्चाच्या पुणे मेट्रो लाइन-३ चे काम २०१८ मध्ये मंजूर झाले. मार्च २०२३ मध्ये पूर्ण होण्याची अपेक्षा होती. नंतर ही मुदत सप्टेंबर २०२५ पर्यंत वाढवण्यात आली, परंतु आता ती मार्च २०२६ पर्यंत पुढे ढकलण्यात आली आहे. या विलंबाचं प्रमुख कारण म्हणजे राजभवन परिसरातील २६३.७८ चौरस मीटर जमिनीचे हस्तांतरण. तसेच विद्यापीठ चौकातील दुहेरी उड्डाणपुलाचे अपूर्ण काम. यामुळंही मेट्रो लाईन ३ च्या कामाला उशीर होत असल्याचा दावा केला जात आहे. मेट्रो लाईन ३ या प्रकल्पावर २३ स्थानके असतील.
तुकोबा पालखी सोहळ्याला प्रारंभ लाडक्या विठूरायाला भेटण्यासाठी लाखो वारकरी आज दुपारी अडीजच्या सुमारास पंढरपूरच्या दिशेनं प्रस्थानं ठेवतील. ...
हा प्रकल्प पुण्यातील मध्यवर्ती भाग आणि हिंजवडीच्या आयटी हबला जोडणारा महत्त्वाचा दुवा ठरणार आहे. सध्या प्रकल्पाचं ८३ ते ८५ टक्के काम पूर्ण झालयं. परंतु वीज आणि पाण्याच्या लाईन्स आणि काही स्थानकांवरील अंतिम कामे बाकी आहेत, असंही सांगण्यात येतयं. मेट्रो लाईन ३ सुरू होण्यास आणखी एक वर्ष उशीर होत असल्यानं पुणेकरांमध्ये नाराजी पसरली आहे. कारण सध्या हिंजवडी ते शिवाजीनगर दरम्यानचा प्रवास वाहतूक कोंडीमुळं वेळखाऊ होतोय. मात्र एकदा हा मार्ग कार्यान्वित झाला की, पुण्यातील मध्यवर्ती भाग आणि हिंजवडीच्या आयटी हबमधील अंतर ३० ते ४० मिनिटांवर येईल. तसेच या भागात ये-जा करणाऱ्यांचा प्रवास गारेगार व आरामदायी होईल.
