अहमदाबाद: गुजरातच्या अहमदाबाद येथे गुरूवारी १२ जूनला एक मोठा विमान अपघात झाला. एअर इंडियाचे एक विमान जे लंडनला जात होते. ते विमान उड्डाण भरल्यानंतर अवघ्या काही सेकंदातच क्रॅश झाले. हे विमान बीजे मेडिकल कॉलेज आणि हॉस्टेलला धडकले. अपघातानंतर मोठी आग लागली आणि चारही बाजूला गोंधळाचे वातावरण झाले.
यातच एक हैराण करणारा व्हिडिओ समोर आला आहे.यात याच विमानातील एक प्रवासी विश्वासकुमार आगीच्या लोळामधून बाहेर पडताना दिसत आहे. त्यांच्या हातात मोबाईल होता आणि ते शांत दिसत होते. रमेश हे विमानाच्या सीट नंबर 11Aवर बसले होते. जसे ते कॉलेजच्या परिसराबाहेर आले त्यांना एका व्यक्तीने पाहिले आणि हात पकडून सुरक्षित स्थळी आणले.
🤯 The sole survivor of the Air India Flight AI171 crash, Ramesh Viswashkumar, walked away from the wreckage with his phone in hand.
Amidst the chaos and tragedy, this miracle raises so many questions. How did this guy survive when everyone else didn't? What does this mean for… pic.twitter.com/kcFZkQjOIg
— Shanaka Anslem Perera ⚡ (@shanaka86) June 16, 2025
अहमदाबाद येथून लंडनला जात होते विमान
रमेश हे भारतीय वंशाचे ब्रिटीश नागरिक आहेत. ते त्या २४२ प्रवाशांपैकी एक आहे जे या विमानातून प्रवास करत होते. हे विमान १२ जूनला दुपारी अहमदाबाद येथून लंडनच्या दिशेने जात होते. मात्र उड्डाण घेताच काहीच सेकंदात हे विमान कोसळले.
रमेश अपघातातून बचावले हा चमत्कार
दरम्यान, रमेश यांच्यावर अहमदाबादच्या सिव्हिल रुग्णालयात उपचार सुरू आहेत. पंतप्रधान नरेंद्र मोदी आणि गृहमंत्री अमित शाह यांनी त्यांची भेट घेतली. या भीषण अपघातातून केवळ रमेश हेच एकटे वाचू शकले. जगभरात त्यांचे वाचणे हा एक चमत्कारच म्हटला जात आहे.
घटनेच्या २८ तासानंतर भेटला ब्लॅक बॉक्स
हे विमान बोईंग ७८७ ड्रीमलायनर होते. २०११पासून हे कार्यरत होते. पहिल्यांदाच याचा एवढा मोठा अपघात झाला. सरकारने अपघातानंतर विमानाचा ब्लॅक बॉक्स शोधण्यास सुरूवात केली होती. हा बॉक्स २८ तासानंतर सापडला. यामुळे विमान अपघाताच्या तपासात मदत मिळणार आहे.
