सोलापूर : नातेपुते शहराच्या पश्चिमेस श्री संत ज्ञानेश्वर महाराज पालखी महामार्गावरील समाधान ढाब्याजवळ व्हॅनचा टायर फुटल्याने व्हॅन रस्त्यावर उभ्या असलेला कंटेनरला धडकल्याने झालेल्या अपघातात एक महिला ठार झाली असून, सहाजण जखमी झाले आहेत.
हडपसर (पुणे) येथील रहिवासी पाहुण्यांच्या लग्न समारंभासाठी अकलूजला आले होते. लग्न समारंभ झाल्यानंतर ते अकलूजहून नातेपुते मार्गाने हडपसरला निघाले होते. त्याचवेळी व्हॅनचा (एमएच १२- पीएन ५३५१) टायर फुटल्याने चालकाचे गाडीवरील नियंत्रण सुटून समोरच उभ्या असलेल्या कंटेनरला (आरजे १९- जीएच ३०७२) जोरदार धडक दिली.
पंढरपूरला जाणाऱ्या पालखी मार्गावर टोल नाही, राज्य सरकारचा मोठा निर्णय पंढरपूर: राज्यातील घडामोडींना वेग आला असून आता वारकऱ्यांसाठी राज्य सरकाने एक ...
यामुळे गाडीमधील छाया नंदकुमार सपकाळ (वय ६०) या जागीच ठार झाल्या तर स्वप्नील संजय जगताप (वय ३२), सुरेखा संजय जगताप (वय ५०), तुकाराम शांताराम जगताप (वय ५०, रा. बेलसर, ता. पुरंदर), रतन बाळासाहेब दिवसे (रा. सासवड), हेमा सुधाकर आरते (वय ४५, रा. हडपसर), गणेश संपत भंडळकर (वय ५०, रा. कोथळे) हे जखमी झाले आहेत.
