दोऱ्यामध्ये अडकलेल्या दोन पिल्लांची केली मुक्तता
माणगाव : माणगांव येथील विकास कॉलनी परिसरात राहत असलेल्या गणेश सुतार यांना त्यांच्या घरासमोर दारात शुक्रवार दि.१३ जूनला सकाळी पक्ष्याची दोन लहान पिल्ले आढळून आली, त्यांची लहान मुलगी प्रीत हिचे ह्या पक्ष्याच्या पिल्लांकडे लक्ष गेले, हि पिल्ले उडण्यास असमर्थ होती, दोन्ही पिल्ले एकमेकांना चिटकून असल्याचे लक्षात आले, गणेश सुतार यांनी त्वरीत माणगांवचे वन्यजीव अभ्यासक शंतनू कुवेसकर ह्यांना संपर्क साधला.
मुंबई : नाशिकमधील ज्येष्ठ नेते सुधाकर बडगुजर, माजी मंत्री बबनराव घोलप, माजी महापौर नयना घोलप आणि त्यांच्या कार्यकर्त्यांनी आज भाजपात प्रवेश केला. ...
सध्याच्या पावसाच्या सुरुवातीच्या दिवसात अनेक पक्ष्यांचा विणीचा हंगाम संपून पिल्ले घरट्यातून बाहेर उडून जातात, त्यामुळे घरट्यातून पहिल्यांदाच उडालेली ''दयाळ'' म्हणजेच ''ओरिएंटल मॅगपाय रॉबिन'' ह्या पक्ष्याची हि पिल्ले खाली पडली असावी असा अंदाज लावत शंतनू कुवेसकर यांनी पिल्लाना एखाद्या झाडावर सोडून द्यावे असे प्रीत च्या वडिलांना सांगितले परंतु पक्ष्याची लहान पिल्ले हाताळण्याची हिम्मत होत नसल्या कारणाने व पिल्ले एकमेकांना अडकून पडल्याने गणेश सुतार यांनी शंतनु कुवेसकर यांना येथे येणाच्या आग्रह केला.
चिमुकलया प्रीतने कुवेसकर पोहोचेपर्यंत पिल्लाना एका सुरक्षित जागी टोपल्याखाली झाकून ठेवले होते, कुवेसकर यांनी पाहणी केली असता लक्षात आले कि पक्षी आपले घरटे बांधण्यासाठी अनेक प्रकारच्या वस्तू गोळा करून नेहतात, मानव वस्तीजवळ कापूस-धागे-दोरे घरट्यासाठी घेऊन जाताना दिसून येतात, घरट्यासाठी नेहेलेल्या एका दोऱ्यामध्येच पिल्लांची वाढ होत असतानाच दोन पिल्लांच्या पायाला दोरा गुंडाळला गेला असावा आणि पिल्लांची तशीच वाढ झाली पण जेव्हा पिल्लांची घरट्यातून उडण्याची वेळ आली त्यावेळेला त्यांचे पाय गुंतलेले असल्याकारणाने ते उडण्यास असमर्थ होते असे लक्षात आले.
शंतनु कुवेसकर यांच्या मार्गदर्शनाखाली चिमुकल्या प्रीतीनेच सुरक्षितरित्या पिल्लांच्या पायातील दोरा कापून व सोडवून पिल्लांना मुक्त केले आणि आपल्या घराजवळीलच चिकूच्या झाडावर सोडले, सोडता क्षणीच त्या पिल्लांचे पालक पक्षी लगेच पिल्लांकडे येऊन त्यांना भरवू लागले, थोड्याच वेळात पिल्लांसोबत छोटी छोटी उड्डाणे घेऊन पालक पक्षी पिल्लांना सुरक्षित ठिकाणी घेऊन गेले.
