यंदाचे लालबागच्या राजाचे ९२ वे वर्ष
मुंबई : "ही शान कोणाची लालबागच्या राजाची"...हे वाक्य ऐकण्यासाठी आता काही दिवसचं राहिले आहेत. गणेशोत्सवाला अवघे काही दिवस उरलेले असतानाच मुंबईत मंडळांची लगबग सुरु झाली आहे. यंदाचे लालबागच्या राजाचे ९२ वे वर्ष आहे. सर्व भाविकांचे श्रद्धास्थान असलेल्या राजाचा आज पाद्यपूजन सोहळा थाटात पार पडला. लालबागच्या राजाचे गणेश मुहूर्त पूजन आज मंडळाचे अध्यक्ष बाळासाहेब सुदाम कांबळे यांच्या हस्ते सकाळी ६ वाजता लालबागच्या राजाचे मूर्तिकार कांबळी आर्ट्स यांच्या कार्यशाळेत पार पडले. गणेश मुहूर्त पूजनासोबत पार पडलेल्या या सोहळ्याचे फोटो समोर आले आहेत. यावेळी मंडळाचे खजिनदार मंगेश दत्ताराम दळवी यांच्या हस्ते लालबागचा राजा सार्वजनिक गणेशोत्सव मंडळाच्या पावती पुस्तकांचेही पूजन झाले. यावर्षी गणेशचतुर्थी २७ ऑगस्ट २०२५ ते अनंत चतुर्दशी ६ सप्टेंबर २०२५ या कालावधीत साजरी होणार आहे.
मुंबईतील सर्वात प्रसिद्ध गणपती अशी लालबागचा राजाची ओळख आहे. याआधी लालबागच्या राजाच्या पाद्यपूजन सोहळा हा आकर्षणाचा विषय होता. खऱ्या अर्थाने मुंबईतल्या गणेशोत्सवाची सुरुवात लालबागच्या राजाच्या पाद्यपुजनाने होते. गणेशोत्सवाला काही दिवस उरलेले असताना संकष्टीच्या मुहूर्तावर हा पाद्यपूजन सोहळा पार पडायचा. या पाद्यपूजन सोहळ्यासाठी मोठ्या प्रमाणात भाविक उपस्थित राहत होते. मात्र आता गेल्या काही वर्षांपासून लालबागचा राजा मंडळाने हा पाद्यपूजन सोहळा मूर्तीकाराच्या कार्यशाळेत अत्यंत सध्या आणि सोप्या पद्धतीने करण्याचा निर्णय घेतला. त्यानुसार संकष्टीच्या मुहूर्तावर शनिवारी मंडळाचे अध्यक्ष आणि कार्यकर्त्यांच्या उपस्थितीत मूर्तीकार संतोष कांबळी यांच्या कार्यशाळेत लालबागच्या राजाच्या पाद्यपूजन सोहळा पार पडला.
अकोला: गुजरातच्या अहमदाबाद येथे झालेल्या विमान दुर्घटनेत 240 हून अधिक लोकांचा मृत्यू झाला. हे विमान एका वैद्यकीय शिक्षण घेणाऱ्या विद्यार्थ्यांच्या ...
जगभरात लालबागच्या राजाची ख्याती आहे. विशेष म्हणजे या गणपतीच्या मंडळाचा आगमन सोहळा नसतो. या मूर्तीची ज्या ठिकाणी प्राणप्रतिष्ठा केली जाते त्याच ठिकाणी घडवली जाते. अशातच सार्वजनिक गणेशोत्सव मंडळे झाडून तयारीला लागली आहेत. पण मुंबईतील नव्हे तर जगभरात प्रसिद्ध असलेल्या लालबागच्या राजाच्या पाद्यपूजन सोहळ्याने गणेशोत्सवाला खऱ्या अर्थाने सुरुवात झाली आहे.