पुन्हा 'पवार' काका- पुतणे भिडणार
बारामतीच्या राजकारणावर प्रभाव टाकणाऱ्या माळेगाव सहकारी साखर कारखाना संचालक मंडळाच्या निवडणुकीत ज्येष्ठ नेते खा. शरद पवार आणि उपमुख्यमंत्री अजित पवार हे काका- पुतणे पुन्हा एकदा समोरासमोर एकमेकांशी भिडणार आहेत. स्थानिक स्वराज्य संस्थांच्या निवडणुका डोळ्यासमोर ठेऊन ही निवडणूक होत आहे. मात्र शरद पवार यांच्या पॅनेलने ब वर्ग गटातून उपमुख्यमंत्री अजित पवार यांच्या विरोधात मात्र उमेदवार दिलेला नसल्यामुळे आश्चर्य व्यक्त होत आहे.
?si=HxnxKK-CQXAQvp9Q
माळेगाव सहकारी साखर कारखान्याच्या निवडणुकीसाठी २१ जागांसाठी ९० उमेदवार रिंगणात उतरले आहेत. उमेदवारी अर्ज माघारी घेण्याच्या अंतिम दिवशी म्हणजे गुरुवारी अजित पवार यांच्या श्री नीलकंठेश्वर पॅनेल आणि शरद पवार यांच्या बळीराजा शेतकरी बचाव पॅनेलने आपले उमेदवार जाहीर केले. यासह चंद्रराव तावरे व रंजन तावरे या गुरू-शिष्यांच्या सहकार बचाव शेतकरी पॅनेलने देखील उमेदवार जाहीर केले आहेत. कष्टकरी शेतकरी पॅनेलच्या उमेदवारांसह काही अपक्ष उमेदवारांचा समावेश आहे. त्यामुळं माळेगाव साखर कारखान्यांची निवडणूक चौरंगी होणार असल्याचे स्पष्ट झाले आहे.
माळेगाव साखर कारखान्याच्या पंचवार्षिक निवडणुकीचा बिगुल वाजल्यानंतर खऱ्या अर्थाने सुरुवात झाली आहे. चिन्हवाटप झाली आहेत. आता प्रचारासाठी केवळ ८ दिवसांचा कालावधी आहे. दोन दिवसापूर्वी म्हणजे गुरुवारी सहकार बचाव शेतकरी पॅनेलच्या प्रचाराचा शुभारंभ निरा वागज येथील जाहीर सभेने झाला आहे. तर उपमुख्यमंत्री अजित पवार यांच्या श्री नीलकंठेश्वर पॅनेलच्या प्रचाराचा शुभारंभ शनिवारी होणार आहे. शरद पवार यांच्या राष्ट्रवादी कँाग्रेस पक्षाला तुतारी वाजविणारा माणूस हे चिन्ह मिळाले आहे. तर अजित पवार यांच्या श्री नीलकंठेश्वर पॅनेलला कप-बशी चिन्ह मिळालेआहे. माळेगाव साखर कारखान्याच्या पंचवार्षिक निवडणुकीमध्ये चौरंगी लढत होत असून, संपूर्ण राज्याचे लक्ष लागलेली ही निवडणूक अत्यंत चुरशीची होणार, हे मात्र निश्चित.
