२२ कॅरेट प्रति ग्रॅम किंमत १९५ रूपयांनी वाढत किंमत ९२९५ पातळीवर पोहोचली आहे. तर २२ कॅरेट प्रति तोळा किंमत ९२९५० रुपये पातळीवर पोहोचली आहे.१८ कॅरेट सोने प्रति ग्रॅम किंमत १५९ रूपयांनी वाढत ७६०५ रूपयांवर पोहोचले आहेत.तर १८ कॅरेट प्रति तोळा किंमत ७६०५० रुपये पातळीवर पोहोचला आहे.मुंबई,पुण्यात सोन्याचे दर २४ कॅरेट प्रति ग्रॅम किंमत १०१४० रुपयांवर आहेत. सराफा बाजारातील सोन्याच्या मागणीतही घट होण्याची शक्यता आहे.
भारतीय कमोडिटी बाजार म्हणजेच एमसीएक्स (Multi Commodity Exchange MCX) मध्ये सोन्याच्या निर्देशांकात १.७६% वाढ झाल्याने सोन्याचे एमसीएक्स दर १००१२६.०० पातळीवर पोहोचला आहे.तर एमसीएक्सवरील गोल्ड फ्युचर (गोल्ड Future Index) मध्ये तर १.७६% वाढ झाली आहे. जागतिक युएस गोल्ड फ्युचर (Us Gold Future Index) मध्ये १.२५% वाढ झाली आहे. डॉलर निर्देशांकातही सकाळपर्यंत ०.३९% वाढ झाली होती.
आज चांदीच्या दरातही वाढ !
चांदीच्या दरात प्रति ग्रॅम १.१० रूपये वाढ झाली आहे.तर प्रति किलोमागे ११०० रूपये वाढल्याने १ किलो चांदी ११०००० रूपयांवर पोहोचली आहे.मुंबईसह पुण्यातही चांदीची किंमत प्रति किलो ११०००० रूपये कायम आहे. एमसीएक्सवरील निर्देशांकात चांदीच्या निर्देशांकात ०.५९% वाढ झाल्याने चांदीची पातळी १०६५१० रूपयांवर पोहोचली आहे.
का वाढत आहे सोने चांदी?
आंतरराष्ट्रीय बाजारातील दबावात वाढ झाली आहे. सोनेचांदीला पुरवठ्याहून प्रचंड प्रमाणात मागणीत वाढ झाल्याने बाजारातील सोन्याचांदीला अधिक महत्त्व प्राप्त झाले आहे. अमेरिकन शेअर बाजारा कोसळल्यानंतर भारतासह आशियाई बाजारातही त्याचे पडसाद उमटले होते. इस्त्राईलने इराणवर हल्ला केल्यानंतर तेलाच्या किंमतीत वाढ झाली होती.आर्थिक संकेतांमुळे कच्च्या तेलाच्या किमती १.९७% ने वाढून ५,८४४ रुपयांवर स्थिरावल्या. अमेरिकेचे अध्यक्ष डोनाल्ड ट्रम्प यांनी मध्य पूर्वेतील अमेरिकन कर्मचाऱ्यांच्या पुनर्स्थापनेबाबत केलेल्या वक्तव्यानंतर तेलात वाढ झाली. ज्यामुळे इराणसोबत वाढत्या तणावामुळे अमेरिकेला पुरवठा खंडित होण्याची भीती निर्माण झाली आहे. त्याचप्रमाणे सोन्याच्या बाबतीतही इस्त्राईलने इराणवर केलेल्या हल्ल्यांनंतर सोन्याच्या मागणीत वाढ झाली आहे. पुरवठ्यावर ताण पडल्याने निर्देशांकात मोठी वाढ झाली होती.
याशिवाय अमेरिकन बाजारातील महागाई नियंत्रणात राहिल्याने व समाधानकारक बेरोजगारी दर व फेडरल दर कपातीची गुंतवणूकदारांना आशा या सगळ्या कारणांमुळे ही वाढ झाली आहे. चांदीतही औद्योगिक उत्पादनात व सोलार उद्योगातील मोठ्या प्रमाणात वाढलेल्या मागणीमुळे व सोन्याच्या तुलनेत कमी दर असल्याने गुंतवणूकीचे साधन म्हणून चांदीचा पर्याय गुंतवणूकदार स्विकारत आहे. त्यामुळेच आंतरराष्ट्रीय पातळीवर चांदीच्या निर्देशांकात शुक्रवारी मोठ्या प्रमाणात वाढ झाली आहे.