नियोजनानुसार ९ जून २०२५ रोजी मालिका नाटक चित्रपट लेखक संघटनेचे पदाधिकारी, पुरुषोत्तम बेर्डे, राजीव जोशी, आशिष पाथरे, डॉ अलका नाईक आणि विवेक आपटे लेखकांच्या समस्यांसाठी सांस्कृतिक मंत्री ॲड. आशिष शेलार यांना भेटले. यावेळी चर्चा करू आणि लेखकांचे प्रश्न सोडवू, असे आश्वासन मंत्री ॲड. आशिष शेलार यांनी दिले.
लेखकांच्या प्रमुख मागण्या
१ लेखकाला सुचलेले नाटकाचे, चित्रपटाचे, किंवा मालिकेचे शीर्षक रजिस्टर करता यायला हवे.
२ कवितेतल्या / गीतातल्या / भावगीताच्या किंवा संवादाच्या ओळींची मालिका शिर्षके बनवातान संबंधित मूळ लेखक / कवी यांना श्रेय द्यावे तसेच संबंधितास त्याचे मानधनही (वन टाइम पेमेंट) द्यावे.
३ लेखकांच्या संघटनेला कार्यालयीन कामकाज आणि कार्यशाळा घेण्यासाठी शासनाने जागा द्यावी.
४ सेन्सॉर सर्टिफिकेट देण्यापूर्वी दिग्दर्शक, छाया लेखक, संगीतकार, संकलक व प्रमुख कलाकारांप्रमाणे लेखक तसेच गीतकार कडूनही त्यांचे पूर्ण मानधन मिळाल्याचे व सेन्सॉर सर्टिफिकेट देण्याला त्यांची हरकत नसल्याचे प्रमाणपत्र घ्यावे
५ कॉपीराईट व इंटेलेक्चुअल प्रॉपर्टी राईट चे रजिस्ट्रेशन दिल्ली बरोबरच मुंबईतही करता येण्याची सोय हवी.
६ वृद्ध विकलांग लेखकांसाठी समूह विमा आणि निवृत्ती वेतन योजना
