Gold Rate Today: सोन्याचा नवा उच्चांक ' इतक्या ' रूपयांवर पोहोचले चांदीत मात्र घट

मुंबई : सोन्याच्या दरात जागतिक संकटामुळे भरमसाठ वाढ होत आहे. काल सोन्याच्या दरात मोठ्या प्रमाणात वाढ झाली होती. ' गुड रिटर्न्स ' संकेतस्थळावरील माहितीनुसार,काल २४ कॅरेट सोन्याच्या दरात तब्बल ८१ रुपयांनी वाढ झाली होती. आज त्याचीच पुनरावृत्ती होत आणखी प्रति ग्रॅम २४ कॅरेट दरात ८८ रूपयांची वाढ झाली आहे. त्यामुळे आता सोन्याचे दर नव्या उच्चांकावर पोहोचल्याने सोन्याच्या २४ कॅरेट प्रति ग्रॅम दर ९९२८ रूपये आहे तर त्याची प्रति तोळा किंमत ८८० रूपयांनी वाढत ९९२८० रूपयांवर पोहोचले आहे.

२२ कॅरेट प्रति ग्रॅम सोनेदेखील ८० रूपयांनी वाढत ९१०० रूपयांवर पोहोचले आहे तर त्याचे प्रति तोळा दर ८०० रूपयांनी वाढत ९१००० रूपयांवर पोहोचले आहेत. १८ कॅरेट सोने प्रति ग्रॅम किंमत ६६ रूपयांनी वाढत ७४४६ रूपयांवर तर प्रति तोळा किंमत ६६० रूपयांनी वाढत ७४४६० रूपयांवर पोहोचले आहे.

एमसीएक्स (Multi Commodity Exchange) निर्देशांकातदेखील प्रचंड वाढ झालेली आहे. निर्देशांकात १.४१% वाढ होत दर पातळी ९८०६६.०० रूपयांवर पोहोचली आहे. आंतरराष्ट्रीय बाजारातील गोल्ड फ्युचर निर्देशांक (Gold Future Index) हा १.५०% ने वाढला आहे.

चांदीच्या दरात किरकोळ घसरण कायम !

चांदीच्या दरात मात्र किरकोळ घसरण कायम राहिल्याने चांदीच्या प्रति ग्रॅम किंमत ०.१० रूपयांनी घट १०८.९० रूपयांवर पोहोचली आहे तर किलोमागे १०० रूपये घटल्याने किलोची किंमत १०८९०० रूपयांवर पोहोचली आहे. एमसीएक्सवर चांदीच्या निर्देशांकात ०.८२% वाढ झाली असून पातळी १०६२५६.०० रूपयांवर पोहोचली आहे.

मध्य पूर्वेतील वाढत्या भू-राजकीय तणावादरम्यान सोन्यात मोठ्या प्रमाणात वाढ झाली आहे.सोन्याचे खरेदीदार मध्य पूर्व भू-राजकीय तणाव आणि यूएस उत्पादक किंमत निर्देशांक (पीपीआय) डेटावर बारकाईने लक्ष ठेवून आहेत. चांदीच्या मागणीत व पुरवठ्यात फारसा बदल न झाल्याने चांदीने आपली पातळी कायम राखली आहे.