सेन्सेक्स मिडकॅप व स्मॉलकॅपमध्ये अनुक्रमे १.५२ व १.३८ % घट झाली आहे तर निफ्टी मिडकॅप व स्मॉलकॅपमध्ये अनुक्रमे १.४७%, १.७८% घट झाली आहे.आज निफ्टी क्षेत्रीय निर्देशांक (Nifty Sectoral Indices) मध्ये सकाळप्रमाणे हेल्थकेअर (०.०५%) समभागात (Shares) मध्ये वाढ झाली आहे. तो अपवाद वगळता जवळपास सर्वच समभागात गुंतवणूकदारांना नुकसान झाले आहे. सकाळप्रमाणेच ट्रेंड कायम राहत रिअल्टी (२.०२%) समभागात सर्वाधिक घसरण झाली आहे. याशिवाय फायनांशियल सर्विसेस बँक (१.९०%), मिडस्मॉलकॅप फायनांशियल सर्विसेस (१.८७%), कंज्युमर ड्युरेबल्स (१.९२%),ऑटो (१.६५%) समभागात सर्वाधिक घसरण झाली आहे.
आज दिवसभरात बीएसईत ४१५१ समभागांपैकी केवळ १२८२ समभागात वाढ झाली आहे तर २७२९ समभागात नुकसान झाले आहे. एनएसईतील २९६९ शेअर्सपैकी केवळ ७८३ समभागात वाढ झाली तर २११२ समभागात घसरण झाली आहे. सकाळी ०.५०% टक्क्यांपर्यंत पोहोचलेला अस्थिरता निर्देशांक (Indian Volatility Index VIX) २.५४% घसरल्याने बाजारात त्याचा फटका बसला होता. ज्यात आंतरराष्ट्रीय बाजारातील दबावाचा मोठा घटक कारणीभूत आहे. विकली निफ्टी एक्सपायरी असल्याने या भावनेला उत्कटतेची किनार लाभली होती.
आज सत्राच्या अखेरीस सर्वाधिक वाढ टानला प्लॅटफॉर्म (९.०८%), नावा (६.१८%), रेनबो चाईल्ड (४.३८%), मेट्रोपोलिस हेल्थ (३.४१%),रेडिंग्टन (४.२७%), टेकमहिंद्रा (०.४२%), वरूण बेवरेज (०.३२%), टोरंट (१.६५%), होंडाई (१.००%), अपोलो हॉस्पिटल (१.००%), बजाज फायनान्स (०.७९%) या समभागात झाली असून सर्वाधिक घसरण सी ई इन्फो सिस्टिम (९.३९%), एचपीसीएल (५.४%), क्रिसिल (५.४%), अदानी पॉवर (३.३६%), भारत पेट्रोलियम (४.५५%), जेल इंडिया (३.९५%), आयआरएफसी (३.४२%), आरईसी (३.३९%), अदानी एनर्जी (३.०५%), अदानी ग्रीन (२.९६%), टाटा मोटर्स (२.८६%) या समभागात झाली आहे.
आज युएस चीन यांच्यातील व्यापारसंबंधीचा निष्कर्ष पूर्णपणे मिळाला नसल्याने अजूनही बाजाराचा कल अस्थिरतेकडे राहिला आहे. युएस बाजारातील डाऊ जोन्स (०.६०%), एस अँड पी (S & P 500) मध्ये ०.२७%, नासडाक (NASDAQ) ०.५०% तर आशियाई बाजारात निकेयी (Nikkei 225) ०.६५%, हेंगसेंग (१.३८%) नुकसान झाले आहे.
डाऊ जोन्सने केलेल्या सर्वेक्षणानुसार, या कालावधीत निर्देशांक ०.२% वाढेल अशी अपेक्षा आहे. अन्न आणि ऊर्जा क्षेत्र वगळल्यास, मुख्य पीपीआयमध्ये महिन्यात ०.३% वाढ होण्याची अपेक्षा आहे. याशिवाय भारतीय बाजारात फिनमिनने UPI व्यवहारांवर MDR शुल्क आकारण्याची कोणतीही योजना नसल्याचे सांगितल्यानंतर पेटीएमचे शेअर्स ७% घसरले, २८.६ लाख समभागांच्या हस्तांतरणानंतर मॅपमायइंडियाचे शेअर्स ९% घसरले, कंपनीच्या संचालक मंडळाने (Board of Directors)१९ जून रोजी निधी संकलनाचा विचार करणार असल्याने केल्टन टेक सोल्युशन्सचे शेअर्स ५% वाढले. मद्य उत्पादनाच्या शुल्कवाढीनंतर आज युनायटेड स्पिरीट कंपनीचा समभागही १.३१% कोसळला आहे.
मध्यपूर्वेतील दबावानंतर व डॉलर घसरणीनंतर सोन्याच्या दरात मोठ्या प्रमाणात वाढ झाल्याने युएस फ्युचर निर्देशांकातदेखील वाढ झाली होती. मागील ट्रेडिंग सत्रात ४% घसरण झाल्यानंतर आज भारतीय बाजारातही बीएसईच्या शेअर्सच्या किमतीत मोठी घसरण झाली आहे.राष्ट्रीय शेअर बाजाराने अतिरिक्त देखरेख उपाय फ्रेमवर्क (Additional Surveillance Framework) अंतर्गत ठेवल्यानंतर बीएसईच्या शेअर्सवर विक्रीचा दबाव आला. बाजारातील संशयास्पद हालचाली रोखण्यासाठी हा नवा पर्याय एनएसईने आणला होता. गुरुवारी निफ्टी ५० फ्युचर्स आणि ऑप्शन्स कॉन्ट्रॅक्ट्सच्या साप्ताहिक समाप्तीमुळे विक्रीचा वेग वाढला, जो तीव्र हालचालींसाठी एक ट्रिगर (Trigger) मानला जात होता. त्यामुळे बाजारातील एकूण परिस्थिती पाहता आयपीओसाठी असणारा उत्साह वगळता बाजारात एकूणच कंसोलिडेशन (Consolidation) ची फेज दिसत आहे. तज्ञांनी कोणतीही गुंतवणूक करताना त्यात बारकाईने विचार करूनच गुंतवणूक करण्याचा सल्ला दिला आहे.
आजच्या बाजारातील परिस्थितीवर भाष्य करताना ज्येष्ठ बाजार अभ्यासक अजित भिडे म्हणाले,' आज बाजारात सर्व स्थरावर नफा वसुली पहायला मिळाली. वर्ल्ड बॅकेने भारतीय अर्थव्यवस्था ६.३ % ने जीडीपी वाढेल अशी भविष्यवाणी केली हे एक कारण नफा वसुली साठी पुरेसे होत.तसेच आज फ्युचर ऑप्शनची सेटलमेंट दिवसाचा ही परिणाम आहेच. चीन अमेरिका यांच्यातील टेरिफ ची चर्चेची प्रगतीची अनाऊन्समेंट अपेक्षित आहे.तसेच अमेरिकन टेरिफ मुले ही थोडी थोडी सावधता बाळगली जात असल्याचे दिसत आहे. पण एकूणच बाजार स्थिरस्थावर होत असल्याचे दिसत आहे. निर्देशांकातील मधील कंपन्यांत खूपच थोडी थोडी नफा वसुली जाणवत आहे. ही स्वाभाविक आहे.'
आजच्या बाजारातील परिस्थितीवर भाष्य करताना बजाज ब्रोकिंग रिसर्चने म्हटले आहे की, ' १२ जून रोजीच्या व्यवहाराच्या उत्तरार्धात इक्विटी बेंचमार्क्समध्ये सुरुवातीच्या वाढीचा वेग कमी झाला आणि सर्व क्षेत्रांमध्ये व्यापक कमकुवतपणा दिसून आला. निफ्टी एका मजबूत पायावर उघडला, सुरुवातीच्या तासात २५,१९६ च्या इंट्राडे उच्चांकावर पोहोचला, परंतु साप्ताहिक डेरिव्हेटिव्ह्जच्या समाप्तीच्या दबावामुळे तो टिकवून ठेवण्यात अपयशी ठरला. सत्राच्या मध्यात निर्देशांकाने वेगाने मार्ग बदलला. २५,००० चा मानसिक टप्पा ओलांडला आणि दिवसाचा शेवट २५३.२० अंकांनी किंवा १.०१% ने २४,८८८.२० वर झाला.
मध्य पूर्वेतील वाढत्या भू-राजकीय तणावामुळे महागाई कमी होणे आणि व्यापार डेटाला प्रोत्साहन देणे यासारख्या सकारात्मक मॅक्रो संकेतांवर पडदा पडला असल्याने, वाढत्या नफा-बुकिंग आणि जोखीम-बंद भावनांमुळे मंदीचे कारण देण्यात आले. अमेरिका-चीन व्यापार आघाडीवरील पुढील घडामोडींपूर्वी गुंतवणूकदारांचा मूड सावध राहिला, ज्यामुळे बाजारातील अनिश्चितता वाढली.क्षेत्रीय कामगिरी एकसारखीच कमकुवत होती, सर्व प्रमुख निर्देशांक लाल रंगात बंद झाले. निफ्टी रिअल्टी आणि निफ्टी एनर्जी यांनी अनुक्रमे २% आणि २.०४% घसरण नोंदवली. शव्यापक बाजारांनी कमी कामगिरी केली, निफ्टी मिडकॅप १०० आणि स्मॉलकॅप १०० निर्देशांक अनुक्रमे १.६% आणि १.७८% घसरले,ज्यामुळे व्यापक विश्वात विक्रीचा दबाव वाढल्याचे दिसून आले. दरम्यान,अस्थिरता गेज इंडिया VIX ३.५% वाढून १४.१५ वर पोहोचला,जो वाढीव हेजिंग क्रियाकलाप आणि नजीकच्या काळातील अस्थिरतेच्या अपेक्षा वाढल्याचे संकेत देतो.'
आजच्या बाजारातील निफ्टीवर भाष्य करताना बजाज ब्रोकिंग रिसर्चने म्हटले आहे की, ' निर्देशांकाने आठवड्याच्या समाप्ती सत्रात १% ने घट केली. त्याने २५,२०० च्या आसपासच्या उच्च पातळीवर कमी उच्च आणि कमी कमी नफा बुकिंगसह एक बेअर कॅन्डल तयार केला आहे.आमच्या अपेक्षेविरुद्ध निर्देशांकाने २५,००० च्या तात्काळ समर्थन क्षेत्राचा पल्ला ओलांडला आणि २४,८२५ च्या इंट्राडे नीचांकी पातळीची स्थापना केली. निफ्टीला २४,६००-२४,७०० झोनच्या श्रेणीत मजबूत समर्थन आहे, जे २०-दिवसांच्या EMA आणि मागील दोन महत्त्वपूर्ण स्विंग निचांकी पातळींना जोडणाऱ्या वाढत्या ट्रेंडलाइनच्या एकत्रिकरणाशी जुळते. या समर्थन बँडच्या (Support Band) वर टिकून राहिल्यास नजीकच्या काळात २५,३०० आणि २५,५०० वर तात्काळ प्रतिकार पातळीकडे अपट्रेंड चालू राहण्याची शक्यता आहे.'
बाजारातील बँक निफ्टीवर भाष्य करताना बजाज ब्रोकिंग रिसर्चने म्हटले आहे की,' निर्देशांकाने सलग तिसऱ्या सत्रात सुधारात्मक घसरण वाढवली कारण त्यात कमी उच्चांक आणि कमीत कमी नफा बुकिंग सुरू राहिल्याने तो बेअर कॅन्डल बनला. अलिकडच्या मजबूत वाढीनंतर नफा बुकिंग सुरू राहिल्याने निर्देशांकाने सलग तिसऱ्या सत्रात सुधारणात्मक घसरण वाढवली. गेल्या शुक्रवारी बँक निफ्टी गेल्या ५ आठवड्यांच्या विस्तृत एकत्रीकरण श्रेणी (५६,०००-५३,५००) पेक्षा जास्त ब्रेकडाउननंतर सोमवारच्या सत्रात ५७०४९ या नवीन उच्चांकावर पोहोचला. तथापि, उच्च पातळीवर नफा बुकिंगमुळे निर्देशांकाने आपला फायदा सोडून दिला आणि गुरुवारी सत्र ५६,००० च्या अलीकडील ब्रेकआउट क्षेत्राभोवती बंद झाला. निर्देशांक सध्या त्याच्या अल्पकालीन आणि दीर्घकालीन मूव्हिंग सरासरीपेक्षा जास्त व्यापार करत आहे जो एकूण सकारात्मक पूर्वाग्रह दर्शवितो.गेल्या चार सत्रांच्या नफा बुकिंगमुळे निर्देशांकाला जास्त खरेदीची स्थिती कमी करण्यास मदत झाली आहे.आम्हाला अपेक्षा आहे की निर्देशांक ५५,२००-५५,५०० च्या समर्थन क्षेत्राच्या वर राहील आणि येत्या आठवड्यात ५७,००० आणि ५७,७०० पातळींकडे जाईल.'
