पालिका अधिकाऱ्यांचे जाणीवपूर्वक दुर्लक्ष
मुंबई : घाटकोपर पूर्व बेस्ट बस डेपो शेजारील मोकळ्या भूखंडावर महापालिका आणि खाजगी ठेकेदार यांच्याकडून मोठ्या प्रमाणात कचरा टाकण्यात येत असून या ठिकाणी अनधिकृतपणे कचरा डेपो बनवण्याचा प्रयत्न होत असल्याचे दिसून येत आहे. याबाबत माजी मंत्री प्रकाश मेहता यांनी महापालिका आयुक्त यांना पत्र लिहून ही बाब निदर्शनास आणून दिली आहे. घाटकोपर पूर्वेकडील बेस्ट आगारा शेजारील भूखंडावर असणाऱ्या झोपड्या न्यायालयाच्या आदेशानुसार निष्काशित करण्यात आल्या होत्या.
प्रवाशाला अटक; मुंबई विमानतळावर सीमाशुल्क विभागाची कारवाई मुंबई : छत्रपती शिवाजी महाराज आंतरराष्ट्रीय विमानतळावर सीमाशुल्क विभागाने केलेल्या ...
या मोकळ्या भूखंडावर पालिकेच्या एन विभागाने नियुक्त केलेले काही ठेकेदार मोठ्या प्रमाणात नालेसफाईतील गाळ व कचरा आणून टाकत आहेत. त्यामुळे या परिसरात दुर्गंधी पसरली असून आरोग्याच्या दृष्टीने ही बाब हानिकारक होऊ शकते. वास्तविक हा संपूर्ण कचरा मुलुंड येथील डम्पिंग ग्राऊंडवर टाकण्यात यायला हवा; परंतु तो या ठिकाणी टाकला जात आहे. यामागे महापालिका अधिकारी आणि ठेकेदार यांच्यात काही आर्थिक हितसंबंध असण्याची शक्यता असल्याचा संशय मेहता यांनी या पत्राद्वारे व्यक्त केला आहे. याबाबत सखोल चौकशी करून सदर ठेकेदार आणि संबंधित महापालिका अधिकारी यांच्यावर कारवाई करण्याची मागणी मेहता यांनी केली आहे.
