ट्रम्प प्रशासनाने कॅलिफोर्नियाच्या रस्त्यांवर उतरवले ७०० मरीन कमांडो
लॉस एंजेलिस : अमेरिकेचे अध्यक्ष डोनाल्ड ट्रम्प यांनी लॉस एंजेलिसमधील परिस्थिती नियंत्रणात आणण्यासाठी ‘नॅशनल गार्ड’च्या सैनिकांची कुमक तैनात केली होती. डोनाल्ड ट्रम्प यांनी दुसऱ्यांदा अमेरिकेची सूत्रे हाती घेतल्यापासून बेकायदा स्थलांतरितांविरोधात कठोर भूमिका घेतली आहे. यापूर्वी लाखो बेकायदा स्थलांतरितांना अमेरिकेतून त्यांच्या मायदेशी पाठवण्यात आल्यानंतर, आता आणखी अशा स्थलांतरितांची अमेरिकेच्या विविध राज्यांमध्ये शोधमोहीम सुरू आहे. नॅशनल गार्ड्स तैनात झाल्यानंतर तेथील परिस्थिती आणखी चिघळली असून आंदोलकही आक्रमक झाले आहेत. काल या स्थलांतरविरोधी कारवाईच्या आंदोलकांनी मोठ्या प्रमाणात जाळपोळ केल्याचे व्हिडीओ सोशल मीडियावर व्हायरल झाले होते.
मूर्तिकार अन् मंडळांना मोठा दिलासा मुंबई : गणेशभक्तांसाठी आणि मूर्तिकारांसाठी अतिशय आनंदाची बातमी आहे. गणेशोत्सवआधी (ganeshotsav 2025) मुंबई उच्च न्यायालयाने ...
आणखी २ हजार नॅशनल गार्ड्स तैनात करण्यास मान्यता
दरम्यान, डोनाल्ड ट्रम्प यांच्या आदेशानंतर सुरु करण्यात आलेल्या इमिग्रेशन मोहिमेविरोधात लॉस एंजेलिसमध्ये गेल्या चार दिवसांपासून आंदोलन भडकले आहे. बेकायदा स्थलांतरितांच्या घरावर छापे टाकल्यानंतर तिथे आंदोलक आणि पोलिसांमध्ये मोठ्या प्रमाणात संघर्ष सुरु आहे. डोनाल्ड ट्रम्प यांनी या आंदोलनाविरोधात आणखी कठोर पाऊल उचलत लॉस एंजेलिसमध्ये अतिरिक्त २००० नॅशनल गार्ड्स तैनात करण्यास मान्यता दिली. तत्पूर्वी स्थलांतरविरोधी कारवाईच्या विरोधात लॉस एंजेलिसमध्ये सुरू असलेल्या गोंधळामुळे अमेरिकेच्या संरक्षण विभागाने सोमवारी नॅशनल गार्डला मदत करण्यासाठी सुमारे ७०० मरीन (लष्कराचे जवान) तैनात केले होते.
