प्रतिनिधी: सोमवारी टाईम टेक्नोप्लास्ट लिमिटेड (Time Technoplast) कंपनीच्या समभागात (Shares) मध्ये थेट ६ टक्क्यांहून अधिक वाढ झाल्याने हा समभाग सध्या धूमाकूळ घालत आहेत. मोतीलाल ओसवाल कंपनीने या समभागाला महत्वाकांक्षी ठरवत सध्याच्या किंमतीवरुन हा समभाग भविष्यात जब्बर ४१ टक्क्याने वाढणार असल्याची शक्यता वर्तवली आहे. त्यांच्या रिसर्च रिपोर्टमधील माहितीनुसार या समभागाला कंपनीकडून 'बाय' (Buy Call) मिळाला आहे. या शेअर्सची किंमत भविष्यात मोठ्या प्रमाणात वाढण्याची शक्यता आहे.
ब्रोकिंग कंपनी मोतीलाल ओसवाल (Motilal Oswal) कंपनीने या समभागाची किंमत ५७८ टार्गेट ठरवली असल्याने या कंपनीची शिफारस भागभांडवलधारकांना कंपनीने केली आहे. टाईम टेक्नोप्लास्ट ही भारतातील महत्वाची प्लास्टिक कंपनी मानली जाते. या कंपनीची व्याप्तीसाठी असलेली रणनीती (Expansion Growth Strategy) पाहता ही शिफारस मोतीलाल ओसवाल कंपनीने केली आहे.
मोतीलाल ओसवाल कंपनीने दिलेल्या माहितीप्रमाणे, करपूर्व भांडवल परतावा (Pre tax Return on Capital ROCE) हा २३ टक्क्याने तर केलेल्या भांडवली गुंतवणुकीवर (Return on Invested Capital ROIC) यावर २६ टक्क्याने परतावा मिळू शकतो. चक्रवाढ वार्षिक दरवाढ उत्पन्न (Compund Annual Growth Rate CAGR) हा २० टक्क्याने तर कर व इतर खर्च पूर्व नफा (EBITDA) हा २३ टक्क्याने वाढू शकतो त्यामुळेच मग कंपनीच्या मार्जिनमध्ये अभूतपूर्व वाढ होण्याची शक्यता आहे.
टाईम टेक्नोप्लास्टच्या समभागात मागील सत्रात ४.७% वाढ होऊन तो प्रति समभाग दर ४११ वर पोहोचला. ९ जूनला रोजी तो ६.५% वाढून दिवसाच्या उच्चांकी पातळीवर पोहोचला आणि तो प्रति समभाग ४३७ रुपयांवर पोहोचला आहे. मोतीलाल ओसवाल कंपनीने रिसर्चमध्ये दिलेल्या माहितीनुसार या कंपनीचा प्लास्टिक उत्पादन क्षेत्रात ५० ते ६० टक्के बाजार वाटा (Market Share) आहे.
