रुद्रप्रयाग : केदारनाथ धामकडे जाणाऱ्या खाजगी हेलिकॉप्टरने गुप्तकाशी जि. रुद्रप्रयाग येथे तांत्रिक बिघाडामुळे महामार्गावरच आपत्कालीन लँडिंग केल्याची घटना घडली. उत्तराखंडचे अतिरिक्त महासंचालक डॉ. व्ही. मुरुगेशन यांनी ही माहिती दिली आहे.
VIDEO | Uttarakhand: A private helicopter made an emergency landing on a road in Rudraprayag. The helicopter’s tail section fell onto a car. All passengers of the helicopter are safe. The pilot sustained minor injuries. Further details are awaited.
(Source: Third Party)
(Full… pic.twitter.com/4tHLwktald
— Press Trust of India (@PTI_News) June 7, 2025
ही हेलिकॉप्टर सेवा क्रेस्टेल एव्हिएशन प्रायव्हेट लिमिटेड कंपनीमार्फत सुरू होती. हेलिकॉप्टरने सिरसी येथून प्रवाशांसह उड्डाण घेतले होते. मात्र तांत्रिक अडचणीमुळे निर्धारित हेलिपॅडऐवजी त्याचे रस्त्यावर आपत्कालीन लँडिंग करण्यात आले. या घटनेचा व्हिडीओ सोशल माध्यमावर व्हायरल झाला आहे. या व्हिडिओमध्ये हेलिकॉप्टर रस्त्याच्या मध्यभागी उतरलेले दिसत आहे आणि त्याची मागील बाजू एका कारच्या छपरावर आदळल्याचे स्पष्टपणे दिसत आहे.
मुंबई : मुंबई पोलिसांनी अजानसाठी वापरल्या जाणाऱ्या लाऊडस्पीकर्सवर कारवाई सुरू केल्यानंतर काही मुस्लिम संस्थांनी विरोध दर्शवला आहे. मात्र पोलीस ...
सर्व प्रवासी आणि चालक दल सुरक्षित असून या घटनेत कोणतीही जीवितहानी झाली नाही, असे उत्तराखंड नागरी उड्डाण विकास प्राधिकरणच्या मुख्य कार्यकारी अधिकाऱ्यांनी सांगितले. घटनेबाबत नागर विमान संचालनालयाला अधिकृत माहिती देण्यात आली आहे. अधिकाऱ्यांनी स्पष्ट केले आहे की, केदारनाथच्या दिशेने इतर हेलिकॉप्टर शटल सेवा नियमितपणे सुरू आहेत आणि उड्डाण वेळापत्रकानुसार कार्यरत आहेत. ही घटना चिंतेची असली तरी तत्परतेने घेतलेल्या उपाययोजनांमुळे मोठा अनर्थ टळला असून प्रशासनाने याबाबत अधिक तपास सुरू केला आहे.
१ जखमी ५ सुरक्षित
रुद्रप्रयागचे जिल्हा पर्यटन विकास अधिकारी आणि हेली सर्व्हिस नोडल अधिकारी राहुल चौबे म्हणाले की, “आज, ७ जून रोजी दुपारी १ वाजताच्या सुमारास, केस्ट्रेल एव्हिएशनच्या हेलिकॉप्टरमध्ये भरासू येथून उड्डाण घेत असताना तांत्रिक बिघाड झाला. त्यानंतर ते राष्ट्रीय महामार्गावर उतरले. विमानात ५ प्रवासी आणि एक पायलट होते. पायलट जखमी झाला असून, ५ ही प्रवासी सुरक्षित आहेत.”
