चांदीच्या दरात कालही वाढ झाल्यानंतर आज चांदीत आज स्तब्धता आली आहे. आज चांदीच्या किंमतीत कोणताही बदल झालेला नाही. महत्वाच्या प्रमुख शहरांत चांदीचा दर प्रति किलो १०७००० रूपये कायम आहे व प्रति ग्रॅम किंमत १०७ रूपये आहे.
एमसीएक्स (Multi Commodity Exchange) वरील सोने निर्देशांक ०.०२ टक्क्याने वाढला असून चांदीच्या निर्देशांकात ०.०५ टक्क्याने वाढ झाली आहे. एमसीएक्सवर सोन्याचा दर ९७०५१.०० पातळीवर व चांदीचा दर १०५५२५.०० पातळीवर पोहोचला आहे. युएस गोल्ड स्पॉट दरात (US Gold Spot Rate) १.३१% घसरून ३३१०.१७ पातळीवर पोहोचला. तर गोल्ड फ्युचर निर्देशांक (Gold Future) ०.७४ टक्क्याने घसरून ३३४६.६० पातळीवर पोहोचला.
अमेरिकन बाजारात पेरोल डेटा येणे अपेक्षित आहे. यापूर्वी अमेरिकन अर्थव्यवस्थेत ढासळलेली पातळी पाहता डॉलरप्रमाणे सोन्याच्या दरातही घट झाली आहे. अमेरिकेने चीनबरोबर संवाद चालू केला असली तरी चित्र अजून स्पष्ट नाही या पार्श्वभूमीवर आज दरात घसरण झाली. रेपो दरात ०.५० टक्क्याने झालेली कपात देखील सोने दरात घट होण्यास कारणीभूत ठरली आहे.