हिमाचल प्रदेशचे मुख्यमंत्री आणि काँग्रेस नेते सुखविंदर सिंह सुक्खू यांचे मुख्य माध्यम सल्लागार नरेश चौहान यांनी प्रसारमाध्यमांशी संवाद साधला. याप्रसंगी बोलताना त्यांनी सोनिया गांधी यांना सिमल्याच्या इंदिरा गांधी वैद्यकीय महाविद्याल आणि रुग्णालय येथे दाखल केल्याची माहिती दिली. वेळेत उपचार सुरू झाल्यामुळे सध्या सोनिया गांधी यांची प्रकृती स्थिर असल्याचे ते म्हणाले.
सोनिया गांधी छराबडा येथील एका खासगी बंगल्यात विश्रांती घेत होत्या. या बंगल्यात असतानाच सोनिया यांची तब्येत बिघडली. यानंतर सोनिया गांधी यांना तातडीने रुग्णालयात दाखल करण्यात आले.
सोनिया गांधी रुग्णालयात असल्यामुळे रुग्णालयाची इमारत आणि भोवतालचा परिसर येथे चोख बंदोबस्त ठेवण्यात आला आहे. काँग्रेसच्या नेत्यांची रुग्णालयाच्या आवारात ये - जा सुरू असल्याचे वृत्त आहे.
