मुंबई : मेट्रो लाईन ९ साठी गर्डर लावण्याच्या कामाच्या संदर्भात पश्चिम रेल्वेच्या मीरा रोड आणि भाईंदर स्थानकांदरम्यान सर्व मार्गांवर ब्लॉक घेण्यात येणार आहे. शनिवार दि. ७, जून रोजी मध्यरात्री ०१:३० ते रविवार दि. ८ पहाटे ३:१५ पर्यंत १.४५ तासांचा ब्लॉक घेण्यात येणार आहे. त्याचप्रमाणे रविवार दि. ८ / सोमवार ९ जून आणि सोमवार दि. ९/ मंगळवार दि. १० जूनच्या मध्यरात्री १:४५ ते ३:०० वाजेपर्यंत १.१५ तासांचा ब्लॉक घेण्यात येईल.
पश्चिम रेल्वेचे मुख्य जनसंपर्क अधिकारी विनीत अभिषेक यांनी दिलेल्या माहितीनुसार काही उपनगरीय सेवा प्रभावित होतील आणि काही रद्द राहतील.
शनिवार दि. ७/ रविवार दि. ८ जून रोजी चर्चगेट ते विरार ही शेवटची लोकल ट्रेन २३:५८ वाजता सुटेल. चर्चगेट ते भाईंदर ही शेवटची लोकल ट्रेन २३:३८ वाजता सुटेल. विरार ते चर्चगेट ही शेवटची लोकल ट्रेन ००:०५ वाजता सुटेल. तसेच रविवार ते सोमवार रोजी चर्चगेट ते विरार शेवटची लोकल ट्रेन ००:२० वाजता सुटेल.
• विरार ते चर्चगेट शेवटची लोकल ट्रेन ००:०५ वाजता सुटेल. सोमवार ते मंगळवार रोजी चर्चगेट ते विरार शेवटची लोकल ट्रेन ००:२० वाजता सुटेल.
•विरार ते चर्चगेट शेवटची लोकल ट्रेन ००:०५ वाजता सुटेल.
