मुंबई : ६५ कोटी रुपयांच्या मिठी नदी गाळ उपसा घोटाळ्याचा तपास करताना आज ईडीने बॉलिवूड अभिनेता डिनो मोरियाच्या मुंबई आणि कोचीतील संपत्तीवर छापे टाकले. सकाळी ८ पासून सुरू असलेल्या या कारवाईने राजकीय वर्तुळात एकच खळबळ उडाली आहे. या छापेमारीमुळे आता या प्रकरणात आदित्य ठाकरे अडकणार असल्याच्या शक्यतेने मातोश्रीत टेन्शन निर्माण झाले आहे. कारण डिनो मोरिया हा ठाकरे गटाचे आमदार आदित्य ठाकरे यांचा अत्यंत जवळचा सहकारी मानला जातो, त्यामुळे या घोटाळ्याला आता राजकीय रंग चढू लागला आहे.
ईडीने मुंबई आणि कोचीसह १५ ठिकाणी छापे टाकून बँक व्यवहार, आर्थिक कागदपत्रं, इलेक्ट्रॉनिक डेटा आणि व्यवहार नोंदींची सखोल चौकशी केली आहे. मुंबई महापालिकेच्या ११०० कोटींच्या मिठी नदी गाळ उपसा प्रकल्पात ६५ कोटी ५४ लाख रुपयांचा गैरव्यवहार झाल्याचा संशय असून, या प्रकरणात बोगस काम, फुगवलेले बिल, आणि निधी वळवण्याचे गंभीर आरोप आहेत.
बल्गेरिया : बल्गेरिया येथील बाबा वेंगा यांनी केलेली भविष्यवाणी या नावाने एक भाकीत व्हायर होत आहे. या भाकितानुसार शनिवार ७ जून २०२५ नंतर जग दोन गटात ...
डिनो मोरिया आणि त्याचा भाऊ सॅन्टिनो मोरियाची याआधी आर्थिक गुन्हे शाखेकडून ८ तास सखोल चौकशी झाली होती. यात २०१९ ते २०२२ या कालावधीत डिनो मोरिया आणि अटक झालेला व्यावसायिक केतन कदम यांच्यात कोट्यवधींचे व्यवहार झाल्याचे उघड झाले आहे. ईडीकडून सध्या त्याच दिशेने पुरावे गोळा केले जात आहेत.
या प्रकरणात सहभागी असलेल्या कंत्राटदार कंपन्यांचीही कसून चौकशी सुरू आहे. सध्या ऑडिट फर्ममार्फत आर्थिक व्यवहारांचे फॉरेन्सिक लेखापरीक्षण सुरू असून येत्या काही दिवसांत अधिक मोठ्या नावांवर कारवाई होण्याची शक्यता नाकारता येत नाही.
मिठी नदीच्या नावाने २० वर्षांत शेकडो कोटी खर्च झाले, पण दरवर्षी पावसात मुंबई जलमय का होते? याचं उत्तर आता हळूहळू बाहेर पडायला लागले आहे. महापालिकेत गेल्या २०-२५ वर्षात झालेले घोटाळे, फसवणूक आणि सत्ताधाऱ्यांचा सहभाग आता उजेडात येत आहे. यामुळे मातोश्री आणि उद्धव गटाचे धाबे दणाणले आहेत.
