पुणे : आषाढी वारीसाठी पंढरपूरला जाणाऱ्या लाखो भाविकांसाठी आनंदाची बातमी आहे. महाराष्ट्र राज्य परिवहन महामंडळाच्या (एसटी) पुणे विभागाने आषाढी वारीच्या पार्श्वभूमीवर पंढरपूरला जाणाऱ्या भाविकांसाठी विशेष बससेवा सुविधा उपलब्ध करून दिल्या आहेत. यामुळे ग्रामीण भागातील भाविकांना मोठा दिलासा मिळणार असून, त्यांना आता अधिक सोयीस्करपणे वारीला जाता येणार आहे.
मुंबई : यंदा मान्सूनचे आगमन मे महिन्यातच झाले. मुंबईसह संपूर्ण महाराष्ट्रात पावसाला सुरुवात झाली. यामुळे जशी माणसांची तारांबळ उडाली तसेच प्राण्यांची ...
स्वारगेट आगार प्रशासनाच्या नियोजननुसार, वारीसाठी पंढरपूरला जाणाऱ्या ग्रामीण भागातील नागरिकांना आता चक्क संपूर्ण एसटी बसच प्रवासासाठी बुक करता येणार आहे. ही एक महत्त्वाची सुविधा असून, यामुळे मोठ्या गटाने जाणाऱ्या भाविकांची गैरसोय टळणार आहे. याशिवाय, स्वारगेट आगाराने ग्रुप बुकिंग व्यवस्थाही सुरू करण्याचा निर्णय घेतला आहे. याचा अर्थ, जर अनेक भाविक एकत्र प्रवास करणार असतील, तर त्यांना एकत्रितपणे बुकिंग करता येईल. यामुळे प्रवासाचे नियोजन अधिक सुलभ होईल आणि भाविकांना रांगेत उभे राहण्याची किंवा वेगवेगळ्या बस शोधण्याची गरज भासणार नाही.आषाढी वारीच्या काळात पंढरपूरकडे जाणाऱ्या भाविकांची प्रचंड गर्दी असते. ही बाब लक्षात घेऊन स्वारगेट एसटी आगाराने प्रवाशांना उत्तम सुविधा पुरवण्यासाठी हे नियोजन केले आहे. या विशेष सुविधांमुळे भाविकांना सुरक्षित आणि आरामदायी प्रवास करता येईल, अशी अपेक्षा आहे.
ज्येष्ठ, महिलांना सवलत लागू
एसटी महामंडळाकडून ६५ वर्षांपुढील प्रवासी आणि महिलांसाठी ५० टक्के सवलत, तसेच ७५ वर्षांपुढील ज्येष्ठ प्रवाशांना मोफत प्रवासाची सुविधा दिली जाते. समूह आरक्षण करून बससेवा घेतली असल्यास संबंधितांना ही सुविधा लागू असणार आहे, असे एसटी महामंडळाच्या अधिकाऱ्यांनी स्पष्ट केले.