आजपासून आरबीआयच्या वित्तीय पतधोरण समितीची ४ ते ६ जून दरम्यान बैठक होणार असल्याने आता बाजारातील वृद्धीकडे सगळ्या बाजाराच्या नजरा आहेत.किंबहुना काल पीएसयु व खाजगी बँकांच्या समभागात (Shares) मध्ये घसरण झाल्यानंतर विशेष लक्ष या समभागावर असू शकते. आज सकाळच्या सत्रातही सेन्सेक्स मिडकॅपमध्ये ११.७५ व निफ्टी मिडकॅप निर्देशांकात ७३.७० अंशाने घसरण झाली आहे.
यंदा तिसऱ्यांदा आरबीआयकडून रेपो दरात (Repo Rate) मध्ये कपात होण्याची शक्यता असल्याने बाजारातील पतनिर्मितीला चालना मिळू शकते.सध्या रेपो दर ६ टक्के आहे यात २५ ते ५० बीपीएस पूर्णांकांने कपात झाल्यास कर्ज स्वस्त होऊ शकतात व गृहनिर्माण संस्थांच्या क्षेत्राला यांचा विशेष फायदा होऊ शकतो.याशिवाय बाजारातील चलनाची तरलता (Liquidity) टिकवण्यासाठी फायदा होऊ शकेल.यामुळेच आजच्या बैठकीकडे सगळ्यांचे लक्ष लागले आहे .
सकाळच्या सत्रात सुरूवातीलाच बीएससीत (BSE) गार्डन रिच (९.३१%), एसकेएफ (५.३%),कोचीन शिपयार्ड (४.९४%),भारत डायनामिक्स (३.६२%),भारती एअरटेल (१.३१%),टाटा मोटर्स (१.२२%),टेक महिंद्रा (०.७४%),इंडसइंड बँक (०.६४%)या समभागात वाढ झाली आहे.तर स्पार्क (१४.९५ टक्के),एम एम टी सी (३.८%), इंडिया सिमेंट (२.९२%),जेल इंडिया (१.८८%),अदानी पोर्टस (०.५७%),आयसीआयसीआय बँक (०.५५%),सनफार्मा (०.४५%) या समभागात घसरण झाली.
एनएससीत (NSE) सकाळी गार्डन रिच (९.२५%), एसकेएफ इंडिया (५.३७%),सारेगामा इंडिया (५.०७%),भारत डायनामिक्स (३.५२%),भारती एअरटेल (१.६०%),श्रीराम फायनान्स (१.०६%),एम अँड एम (०.७६%),टाटा मोटर्स (०.७१%) या समभागात वाढ झाली असून आदित्य बिर्ला फॅशन (८%),इंडिजीनी (४.६%),इंडिया सिमेंट (२.९६%),जेल इंडिया (१.९१%),अदानी एंटरप्राईजेस (०.९२%), टायटन कंपनी (०.८९%),टीसीएस (०.७०%),एशियन पेंटस (०.५२%),आयसीआयसीआय बँक (०.४५%) या समभागात नुकसान झाले आहे.
