लीला हॉटेलच्या आयपीओत पात्र संस्थात्मक गुंतवणूकदार (Qualified Institutional Buyers) साठी ७५ टक्के वाटा गुंतवणूकीसाठी आरक्षित होता. तर सामान्य किरकोळ गुंतवणूकदारांसाठी एकूण आयपीओतील १० टक्के वाटा आरक्षित होता. आयपीओत ४३५ रुपये प्रति शेअर किंमत म्हणून प्राईज बँड (Price Band) निश्चित करण्यात आला होता.कंपनीला मागील आर्थिक वर्षात म्हणजेच २०२३-२४ मधील तुलनेत यंदा ३१ मार्च २०२५ पर्यंत तब्बल २३४१ टक्क्यांनी वाढ झाली आहे. कंपनीच्या आर्थिक वर्ष २०२३-२४ मधील महसूलातील (Revenue) १२२६.५० कोटींच्या तुलनेत आर्थिक वर्ष २०२४-२५ मध्ये १५ टक्क्यांनी वाढ होत महसूल १४०६.५६ कोटींवर पोहोचला आहे.
आज सकाळी १० पासून या कंपनीने स्पेशल प्री ओपन सेशन (SPOS) सदरात बाजारात भाग घेत आपले प्रवेशद्वार गुंतवणूकदारांसाठी खुले केले आहे. लीला पॅलेसचे देशभरात १२ ठिकाणी वास्तव्य असून रिसोर्टिंग क्षेत्रात कंपनी कार्यरत आहे. आतापर्यंत किरकोळ गुंतवणूकदारांनी एकूण आयपीओतील ८३ टक्के सबस्क्राईब खरेदी केले होते.सध्याची परिस्थिती पाहता या आयपीओला गुंतवणूकदारांनी चांगला प्रतिसाद दिला आहे. विश्लेषकांनी या आयपीओत दूरदृष्टीने विचार करून मोठ्या काळासाठी गुंतवणूक करायचा सल्ला दिलेला आहे.आगामी काळात या आयपीओला बाजारात ट्रेडिंगला किती प्रतिसाद मिळेल ते कळणारच आहे मात्र तज्ञांच्या मते सुरूवातीची २ ते ३ वर्ष या आयपीओत गुंतवणूकदारांसाठी जोखमीची असतील.
ग्रे मार्केट (Grey Market) मध्ये म्हणजेच अनाधिकृतपणे या शेअरची किंमत दोन रुपये प्रिमियम दराने सुरू असल्याची माहिती प्रसारमाध्यमांनी दिली होती.स्क्लॉस बंगलोर लिमिटेड (The Leela Hotels and Resorts) कंपनीचे समभाग (Shares) सकाळी १०.५७ वाजता बीएसईवर ६.७७% वाढून ४३४ रुपयांवर पोहोचले, आयपीओच्या ४३५ च्या किमतीच्या तुलनेत ४०६.५० वर बाजारात सुरुवातीला समभाग सूचीबद्ध झाले होते. लीला हॉटेल्सचा ३,५०० कोटी रुपयांचा आयपीओ हा २,५०० कोटी रुपयांच्या इक्विटी शेअर्सचा नवीन इश्यू आणि प्रवर्तक (Promoter) प्रोजेक्ट बॅलेट बंगळुरू होल्डिंग्ज (DIFC) द्वारे १,००० कोटी रुपयांच्या विक्रीसाठी ऑफर (OFS) बाजारात दाखल झाला होता.लीला हॉटेलच्या मुख्य कंपनीचे नाव Schloss Bangalore Limited असून कंपनीची स्थापना २०१९ साठी झाली होती.