अहमदाबाद: आयपीएल २०२५च्या दुसऱ्या क्वालिफायरमध्ये आज मुंबई इंडियन्स आणि पंजाब किंग्स यांच्यात टक्कर होत आहे. हा सामना नरेंद्र मोदी स्टेडियममध्ये खेळवला जात आहे. हा सामना सेमीफायनलसारखाच आहे. कारण या सामन्यातील विजेता फायनलमध्ये आरसीबी संघाविरुद्ध खेळणार आहे. ३ जूनला आयपीएलचा फायनल सामना रंगणार आहे. पंजाब किंग्सने टॉस जिंकत पहिल्यांदा गोलंदाजीचा निर्णय घेतला आहे. दरम्यान, पावसामुळे अद्याप खेळ सुरू होऊ शकलेला नाही. मैदान ओलं असल्यामळे सामना सुरू होण्यास उशीर होत आहे.
रॉयल चॅलेंजर्स बंगळुरूविरुद्ध एकतर्फी सामन्यात ८ विकेटनी पराभव स्वीकारल्यानंतर पंजाब किंग्सचा आत्मविश्वास थोडा कमी झाला आहे. आता श्रेयस अय्यरच्या नेतृत्वातील हा संघ पहिला आयपीएल खिताब जिंकण्यासाठी सर्व प्रयत्न पणाला लावतील.
दुसरीकडे मुंबई इंडियन्सने एलिमिनेटर सामन्यात गुजरात टायटन्सला हरवत सहावे विजेतेपद जिंकण्याच्या दिशेने पाऊल टाकले आहे. मुंबई इंडियन्सला नॉकआऊट सामन्यांमध्ये खेळण्याचा अनुभव इतर संघाच्या तुलनेत जास्त आहे.
पंजाब किंग्सचे संभाव्य प्लेईंग ११- प्रभसिमरन सिंग, प्रियांश आर्य, जोश इंग्लीश, श्रेयस अय्यर(कर्णधार), नेहाल वढेरा, शशांक सिंह, मार्कस स्टॉयनिस, अजमतुल्लाह उमरजई, हरप्रीत ब्रार, काईल जेमिसन, अर्शदीप सिंह.
मुंबई इंडियन्सचे संभाव्य प्लेईंग ११ - रोहित शर्मा, जॉनी बेअरस्ट्रॉ, सूर्यकुमार यादव, तिलक वर्मा, हार्दिक पांड्या(कर्णधार), नमन धीर, राज अंगद बावा, मिचेल सँटनर, रिचर्ड ग्लीसन, जसप्रीत बुमराह, ट्रेंट बोल्ट.
