वॉशिंग्टन: टेस्ला आणि स्पेस एक्सचे प्रमुख एलॉन मस्क यांनी घोषणा केली आहे की त्यांचा अमेरिकन सरकारमध्ये विशेष कर्मचारी(SGE) म्हणून १३० दिवसांचा कार्यकाळ संपत आहे. त्यांनी सोशल मीडिया प्लॅटफॉर्म एक्सवर लिहिलेकी, मी राष्ट्रपती डोनाल्ड ट्रम्प यांना सरकारी खर्च कमी करण्यासाठी दिलेल्या संधीबाबत आभार मानतो. DOGE मिशन वेळेसोबत अधिक मजबूत होत जाईल.
Department of Government Efficiency (DOGE) हे एक प्रशासकीय इनोव्हेशन होते. यात मस्क यांना सरकारी खर्चात कपात आणि दक्षता वाढवण्याची जबाबदारी देण्यात आली होती. या अभियानाच्या माध्यमातून अनावश्यक सरकारी खर्चाची ओळख करण्यात आली. परकीय मदत आणि सार्वजनिक प्रसारणावर कमी खर्च करण्याचे सल्ले देण्यात आले. NPR, PBS आणि परकीय सहाय्यतेच्या कार्यक्रमांमध्ये $9.4 बिलियन कपातीचा प्रस्ताव ठेवण्यात आला. हे पाऊल सरकारी सुधारणा आणि वायफळ खर्च संपवण्याच्या दिशेने उचलण्यात आले होते.
As my scheduled time as a Special Government Employee comes to an end, I would like to thank President @realDonaldTrump for the opportunity to reduce wasteful spending.
The @DOGE mission will only strengthen over time as it becomes a way of life throughout the government.
— Elon Musk (@elonmusk) May 29, 2025
काही दिवसांपूर्वी असे सांगितले जात होते की DOGEचे कामकाज पाहत असल्याने ते आपल्या कारभारावर फोकस करू शकत नव्हते. व्हाईट हाऊसच्या एका अधिकाऱ्याने दुजोरा दिला आहे की मस्क अमेरिकन सरकारची साथ सोडत आहेत. मस्क यांनी १३० दिवस अमेरिकन सरकारमध्ये विशेष कर्मचारी म्हणून काम केले होते.
