मुंबई : बॉलीवूडमधील अभिनेता इमरान हाशमीचा फॅन फॉलोविंग जबरदस्त आहेत. नुकताच त्याचा ग्राउंड झिरो नावाचा चित्रपट रिलीज झाला होता. मात्र, चित्रपट बॉक्स ऑफिसवर फ्लॉप ठरला. आता इमरान त्याच्या आगामी चित्रपटाची शूटिंगमध्ये व्यस्त आहे. या चित्रपटाच्या शूटिंग दरम्यान त्याला डेंग्यूची लागण झाली असल्याची बातमी समोर आली आहे.
मीडिया रिपोर्टनुसार, बॉलीवूडचा स्टार अभिनेता इमरान हाशमी याला डेंग्यू झालेला आहे. तो पावर स्टार पवन कल्याणसोबत 'ओजी' चित्रपटाची शुटिंग करत होता. गोरेगावच्या आरे कॉलनीमध्ये ही शुटिंग सुरू होती. परंतु, त्याला डेंग्यूची लक्षणं जाणवू लागली. त्यामुळे आता त्याला रुग्णालयात भरती करण्यात आले आहे. आजारी असल्याने काही काळ त्याने शूटिंगमधून ब्रेक घेतला आहे.
डेंग्यूच्या गंभीर लक्षणांमुळे इमरानला डॉक्टरांनी कडक विश्रांती घ्यावी, असे सांगितले आहे. यामुळे ‘ओजी’ चित्रपटाच्या शूटिंगवर अनिश्चित काळासाठी ब्रेक लागण्याची शक्यता वाढली आहे. या ब्रेकमुळे चित्रपटाच्या वेळापत्रकावरही परिणाम होऊ शकतो, कारण हा प्रोजेक्ट २५ सप्टेंबरला रिलीज होण्याच्या तयारीत आहे.
ओजी’ या चित्रपटाद्वारे इमरान हाश्मी तेलुगू चित्रपटसृष्टीत पदार्पण करत आहे. या चित्रपटातून अभिनेता इमरान हाशमी आणि दाक्षिणात्य अभिनेता पवन कल्याण एकत्र पाहायला मिळणार आहे. या चित्रपटात अभिनेत्री प्रियंका मोहन ही देखील मुख्य भूमिकेत असणार आहे. इमराने त्याच्या वाढदिवसाच्या दिवशी आवारापन २ ची घोषणा केली होती. हा चित्रपट २०२६ मध्ये प्रेक्षकांच्या भेटीला येणार आहे.
