बँकेच्या वाहनाचा समावेश
राहुरी : चुकीच्या बाजूने वाहने चालवून वाहतूक जाम करत असलेल्या वाहन चालकावर कारवाई करत शिस्त लावण्याच्या मोहिमेचा धडाका सध्या राहुरीचे पोलिस निरिक्षक संजय ठेंगे यांनी लावला असून आजच्या कारवाईत अन्य वाहनासह एका बॅंकेच्या रोकड वाहून नेत असलेल्या वाहनाचा समावेश आहे.
यासंदर्भात पोलिसांनी दिलेल्या माहितीनुसार, गुरूवारी २९ मे रोजी सोडेबाराच्या सुमारास शनिशिंगणापूर फाटा ते राहुरी खुर्द दरम्यान वाहतूक जाम झाल्याने एकूण दहा वाहनांनी चुकीच्या बाजूने धोकादायक पद्धतीने गाड्या घातल्या ज्यामुळे अधिकच वाहतूक जाम झाल्याने सुमारे सात वाहनांवर दंडात्मक कारवाई करून सात हजार रुपये दंड वसूल केला.
त्यामध्ये युनियन बँकेचे कॅश वाहन क्रमांक एम. एच १२युएम ५८५५ या वाहनावर कारवाई करत दिड हजार रुपये दंड आकारण्यात आला.ट्रक क्रमांक एम एच १७ सीव्ही ८३८६ वरिल चालक सचिन केशव जोशी राहणार बेलापूर, ट्रक क्रमांक आरजे १४ जीके ३०५२ चालक नजीम आशु खान राहणार जिजारा जिल्हा आलवर, राजस्थान, ट्रक क्रमांक केए ४२बी ५५७७ चालक परशुराम कृष्णा पवार राहणार सुसुर जिल्हा सादगीर कर्नाटक अशा तीन ट्रक चालकांवर एमव्हीए १८४ प्रमाणे कारवाई करण्यात आली.
सदर कारवाईच्या अनुषंगाने सदर चालकांना प्रथम वर्ग न्यायदंडाधिकारी राहुरी यांचे न्यायालयात पाठविण्याची तजवीज ठेवलेली आहे.सदरची कारवाई पोलिस निरीक्षक संजय ठेंगे यांच्या मार्गदर्शनाखाली पोलीस हवालदार संतोष ठोंबरे, फुलमाळी, चालक शकूर सय्यद, सचिन ताजणे यांच्या पथकाने केली.
दरम्यान पोलीस निरीक्षक संजय ठेंगे यांनी नागरिकांना आवाहन केले आहे की, नगर -मनमाड महामार्गावर कोणीही चुकीच्या बाजूने वाहने चालवून वाहतूक जाम करू नये. तसेच वाहतूक जाम टाळण्यासाठी अशा प्रकारची कारवाई नियमित राहुरी फॅक्टरी, राहुरी शहरासह महामार्गावर केली जाणार आहे.
