लंडन: ब्रिटनच्या लिव्हरपूल शहरामध्ये सोमवारी भीषण दुर्घटना घडली. येथे प्रीमियर लीगच्या ट्रॉफी विजयाचे सेलीब्रेशन सुरू होते. यावेळी अनियंत्रित झालेल्या कारने या सेलिब्रेशनमध्ये सहभागी असलेल्यांना चिरडले. ही कार या गर्दीत घुसली आणि तिने अनेकांना चिरडले. या दुर्घटनेत कमीत कमी २७ जण जखमी झाल्याची माहिती आहे. या घटनेनंतर एका व्यक्तीला अटक करण्यात आली आहे.
पोलिसांच्या माहितीनुसार, अटक करण्यात आलेली व्यक्ती ५३ वर्षीय ब्रिटीश नागरिक आहे. ही व्यक्ती लिव्हरपूलचीच रहिवासी आहे. दरम्यान, पोलीस प्रवक्त्यांनी आवाहन केले आहे की या घटनेच्या परिस्थितीबद्दल कोणत्याही प्रकारच्या अफवा पसरवू नयेत. तसेच आम्ही ५३ वर्षीय ब्रिटीश व्यक्तीला या प्रकरणात अटक केली आहे.
पोलिसांनी पुढे दिलेल्या माहितीनुसार, या घटनेमागचे कारण तपासण्यासाठी विस्तृतपणे तपास केला जात आहे. या कारच्या दुर्घटनेत पायी चालत असलेले अनेक जण जखमी झाले होते. जेव्हा या ठिकाणी विजयी यात्रा काढली जात होती त्यावेळेस पायी चालत असलेल्या अनेकांना या कारने उडवले.
This wasn’t a traffic accident—it was a coordinated terrorist attack on innocent people celebrating in Liverpool. The footage speaks for itself.
Why are UK authorities downplaying it?
pic.twitter.com/oZS4SjlwwV
— Tim San Fillippo🎙️ (@TimSanFillippo) May 26, 2025
सोशल मीडियावर एक अनधिकृत व्हिडिओ समोर आला आहे. यात दाखवले आहे की एक कार वेगाने सेलीब्रेशन करत असलेल्या गर्दीच्या दिशेने जात आहे आणि अनेक जण या कारखाली येतात. रिपोर्ट्सनुसार या परेडमध्ये हजारोंच्या संख्येने लोक सामील होते. पोलीस या आधीच कोणत्याही अपघातातबाबत अलर्ट होती. सोबतच चाहत्यांना यावेळी फटाक्यांची आतषबाजी आणि ड्रोनपासून दूर राहण्यास सांगितले होते.
